Nūr-Sūltan qalasynda elorda kubogy üşın Jaidarman oiyny öttı. Saiysqa tek qazaqstandyq emes, şeteldık komanda da qatysty.
Jaidarman oiyndary bügınde tek otandyq emes, sondai-aq körşıles memleketterdıŋ de asyǧa kütetın jobasyna ainaldy. Är efirın taǧatsyz kütetın körermenge bügınde būl oiyn sapaly dünie körsetuın jalǧastyryp keledı. Kezektı jobalardyŋ bırı retınde14 qaraşa künı ötken "Elorda kubogy-2021" arnaiy jobasyn atap ötuge bolady. Elımızdıŋ üzdık komandalarynan bölek, özbekstandyq "Būhara" komandasy qatysyp, būl saiystyŋ därejesın halyqaralyq deŋgeige köterıp tastady. Türkı tıldes körşılerımızge qazaq sahnasynda oinau asa qiyndyq tudyrmaǧany anyq. Kelgen körermen qonaqtarymyzdy qoşemetpen qarsy alyp, qoşemetpen şyǧaryp saldy.
Aita keteiık, būl oiyn Nūr-Sūltan qalasy Jastar saiasaty mäselelerı basqarmasy qoldauymen, "Qazaqstan KVN odaǧy" RJQB ūiymdastyruymen ötken edı. Qazylar alqasy üzdık üş komandany anyqtap, olarǧa arnaiy jüldelerdı ūsyndy. Oiyn qorytyndysy boiynşa Semeiden kelgen "Qyzdar emes" komandasy üşınşı oryn, almatylyq "Aqpen bırge" komandasy ekınşı oryn ielendı. Eŋ üzdık dep tanylyp, bas jüldenı ielengen — elordalyq "Şabyt" qūramasy.
Komandalyq körsetkışten bölek, jeke şeberlıgımen közge tüsıp, "Üzdık oiynşy" degen atqa laiyq jaidarmanşy da anyqtaldy. Ol almatylyq "Arnaiy ädılet üşın" komandasynyŋ müşesı Şyŋǧyshan esımdı jaidarmanşy. Oiynnyŋ barlyq qyzyqtary telearnadan jeltoqsan aiynda körsetıledı.
"Adyrna" ūlttyq portaly
