Memlekettik syılyqtyń laýreaty, jazýshy-dramatýrg Dýlat Isabekov – qazaq ádebıetiniń qadirli aqsaqaly. 1980 jyldary jazǵan prozalyq shyǵarmalary áli de qoldan-qolǵa túspeı oqylady.
Prozadan dramatýrgııaǵa oıysqanyna da biraz jyldyń júzi boldy. Pesasy London sahnasynda qoıylyp, byltyr bir jelpindik. Qamshy.kz tilshisi qalamgermen áńgimelesip qaıtty. Bul suhbatta jazýshy postmodernızm ókilderin soıyp saldy. Óziniń mahabbat hıkaıasyn da jasyrmaı aıtyp berdi.
– Al ózińizde nekemen ólshenbeıtin mahabbat boldy ma?
– Boldy ǵoı, nege bolmasyn?! Men ádebıetke erte aralastym. Mektep oqyp júrgende kitaby shyqqan jigitti kim jaqsy kórmeıdi? Aqsham da bar. Men kınoǵa da erte aralastym. Sol kezde talaı oqıǵalar boldy.
– Jıi ǵashyq boldyńyz ǵoı demek?
– Ǵashyq bolýyn boldym. Ishinde ereksheleri de boldy.
– Sol erekshe qyzdar esińizde me?
– Oıymnan áli de bolsa shyqpaıtyn eki qyz bar. Obal jasadym dep oılap júremin. Áıelime úılenetin kezde kenetten esh eskertpesten ózgege aýyp kete saldym ol qyzdan. Buıryq degen sol shyǵar… Men besinshi, ol tórtinshi kýrsta. Ol qyz Franýz kafedrasynda oqýshy edi. Qatty jylaǵany áli kóz aldymda. Úıde sýreti bar. Aman bolsa, bir jolyǵyp, aıaǵyna jyǵylyp, keshirim surasam deımin. Seniń obalyńa qaldym, menen qatelik ketti dep aıtqym keldi. Ekinshisi Almatyda. Kıno salasynda júr qazir. Ara-tura kezdesip qalamyz.
stan.kz
