Mańǵystaý oblysynyń ákimi Nurlan Noǵaev jergilikti atqarýshy organnyń óńirdegi aýyzsý tapshylyǵy máselesin sheshý úshin qabyldap jatqan sharalaryna toqtaldy, dep habarlaıdy «Adyrna» tilshisi baq.kz-ke silteme jasap.
Oblystyń damýy men halyq sanynyń qarqyndy ósýine oraı óńirde sýǵa degen suranys artyp keledi. Búgingi kúni oblys 150 myń tekshe metr sý tutynady. Jaz mezgilinde 51 myń tekshe metr sý tapshylyǵy baıqalady. 2025 jylǵa qaraı sýǵa degen qajettilik 250-260 myń tekshe metrge jetedi degen boljam bar. Prezıdenttiń halyqty taza aýyzsýmen qamtamasyz etý jónindegi tapsyrmasyn oryndaý aıasynda oblysta 2025 jylǵa deıin jalpy qýaty 286 myń tekshe metr sýdy tushytatyn 9 jobany iske asyrý josparlanýda,-dedi ol.
Onyń sózinshe, bıyl Qarajanbas ken ornynda qýaty táýligine 17 myń tekshe metr sý tushytatyn zaýyt iske qosylady. Investıııalyq jobanyń quny - 21,4 mlrd.teńge. Zaýyt paıdalanýǵa berilgennen keıin «Astrahan-Mańǵystaý» sý qubyry arqyly kelip túsetin 10 myń tekshe metr sý Jańaózen qalasyna, Beıneý jáne Jetibaı aýyldaryna jiberiledi.
Sondaı-aq, ákimniń málimdeýinshe, «Kaspıı» sý tushytý zaýytynyń qýatyn 20 myńnan 40 myń tekshe metrge deıin jetkizýdiń 2-shi kezeńi bastaldy.
Bul jumystar 2022 jyly aıaqtalady. Jergilikti atqarýshy bılik atalǵan zaýyt óndiretin sý kólemin táýligine 100 myń tekshe metrge deıin jetkizýdi kózdep otyr. Qazir 3-shi kezeńin júzege asyrý úshin jobalyq smetalyq qujattamasy ázirlenýde. Jańaózen qalasyn tolyqtaı sýmen qamtamasyz etý úshin Kendirli aımaǵynda táýligine 50 myń tekshe metr sý tushytý zaýyty salynyp jatyr. «QazMunaıGaz» kompanııasy júzege asyryp jatqan joba 2024 jyly iske qosylady dep josparlanýda, - dedi Mańǵystaý oblysynyń ákimi.
Ol «MAEK-Qazatomónerkásip» kompanııasy aýmaǵynda táýligine 24 myń tekshe metr sý tushytatyn qondyrǵy salynatynyn atap ótti.
Fort-Shevchenko qalasynda qýaty táýligine 5 myń tekshe metr sý, Aqshuqyr aýyly men Saıyn Shapaǵatov aýyldyq okrýginde qýaty táýligine 10 myń tekshe metr sý bolatyn qondyrǵy salynady. Al Beıneý aýdanynyń Boranqul aýylynda táýligine 80 myń tekshe metr sý óndiretin zaýyt salý josparlanýda. Aqtaý qalasynda qýaty táýligine 20 myń tekshe metr teńiz sýyn tushytatyn zaýyttyń qurylysy bastaldy, - deıdi N.Noǵaev.
Sonymen qatar Noǵaev Prezıdent 2022 jylǵa deıin 12 aýyldy ortalyqtandyrylǵan sýmen qamtamasyz etýdi tapsyrǵanyn aıtty.
Bıyl ortalyqtandyrylǵan sýmen 2 aýyl qamtylady: Beki jáne Basqudyq. Nátıjesinde eldi mekenderdi ortalyqtandyrylǵan aýyzsýmen qamtamasyz etý 96% - ǵa deıin jetkiziletin bolady. Qalǵan 10 aýyldy aýyzsýmen qamtýdy 2022 jyldyń sońyna deıin aıaqtaý josparlanýda, - dedi oblys basshysy.
Ákimniń aıtýynsha, Memleket basshysy Mańǵystaý oblysynyń áleýmettik-ekonomıkalyq damýy boıynsha ótken keńeste óńirdegi aýyzsý tapshylyǵyn sheshý úshin naqty tapsyrmalardy júktegen bolatyn.
Biz belsendi jumysty bastadyq, ınvestorlarmen kelissózder júrgizýdemiz, basqa elderdiń tájirıbesin zerdeleýdemiz. Búgingi tańda Mańǵystaý oblysynda aýyzsý tapshylyǵy máselesin sheshý bizdiń basty mindetimiz bolyp tabylady, - dep atap ótti Nurlan Noǵaev.
«Adyrna» ulttyq portaly
