Ershat Qaıboldın. "Sońǵy batyr"

3474
Adyrna.kz Telegram

Bir basynda bar edi qyryq aqyl,
Tiri batyr óldi me búgin aqyr?!
Qubyla tur, dúnıe, qubyla tur,
Batyr áli ólgen joq, tiri jatyr.

Uryp-soǵyp, as-sýsyz aram qatyr,
Eı, dúnıe, ajaldan aman batyr!
Iá, tabytta talyp bir adam jatyr,
Biraq, rýhy qasqaıyp alańda tur.

Tulparym-aı, jolyna esek turǵan,
Ultanym-aı, tabytty tósek qylǵan.
Bordaı tozdy-aý aqyry kesek tulǵań,
Keshesiń be, bizderdi ósek qýǵan?!

Sharshaǵan-aý shynymen bizdiń batyr,
Ólip qalǵan adamdaı myzǵyp jatyr.
Kúzetińder, kópshigin túzetińder,
Kózin oıyp ketpesin quzǵyn-kápir!

Dem almastan demalsyn sońǵy batyr,
Sońǵy batyr sharshady, boldy, jatyr!
Áı, baýyrym, batyrdy mazalama,
Dátiń bolsa sen sonyń ornyna tur!

 

Pikirler