Aron Atabektiń qyzy Aıdana Aıdarhan ınstagramdaǵy paraqshasynda ákesi týraly jazba qaldyrdy dep habarlaıdy "Adyrna" ulttyq portaly.
"Men ákemdi osydan 10 kún buryn, ıaǵnı, 13 qarashada kórdim. "Suńqar" klınıkasyna meni bir-aq ret kirgizdi. Sol kezde saýaldaryma tolyq jaýap ala almadym. Mine, birneshe saǵat buryn ákem dúnıeden ótti. Biz ony basqa úıde jáne klınıkada qandaı dertten "emdegenin" de bilmeımiz. Endigi úmit onyń denesin ashyp tekserý bolmaq. Sol kezde ǵana biz saýaldarymyzǵa jaýap alyp, kúdigimiz seıiler dep oılaımyz. Zań turǵysynan barlyq sharalar oryndalady dep senemiz", — dep jazdy ol.
Aıdana Aıdarhan óz jazbasynda ákesi 1980-jyldary óziniń qalaı kóz jumatynyn aıtqanyn atap ótti.
"Suńqar" klınıkasynda onyń bizben tildesýine múmkindik berilmedi: tamaǵynda tesik bolyp, oǵan demalý úshin trýbka salyp qoıdy. Budan buryn ákemniń qolyn aldy, jaza almaý úshin, aıaǵyn aldy halqyna bara almaý úshin. Onyń óleńderi ózine qoıylǵan máńgi eskertkish bolyp qalady", — dep jazdy Aron Atabektiń qyzy.
Aıta ketý kerek, Aron Atabek keshe aýrýhanada kóz jumǵan bolatyn.
"Adyrna" ulttyq portaly.
