Partııa baspasóz qyzmetiniń málimetinshe, olardy sheshý maqsatynda jergilikti jerlerde partııalyq baqylaý komıssııalarynyń 2 myńǵa jýyq otyrysy ótkizilgen. Azamattardyń ótinishteri negizinde 3 myńnan astam túrli reıd uıymdastyryldy.
Máselen, Shyǵys Qazaqstan oblysynda partııa ókilderi Besqaraǵaı aýdanyna qarasty Dólen aýyly turǵyndarynyń ortalyq sýmen jabdyqtaý júıeleri qurylysynyń uzaqqa sozylýyna qatysty shaǵymyna qulaq asty. Oblystyq fılıaldyń aqparatyna sáıkes, bul másele erekshe partııalyq baqylaýǵa alynǵan. Nátıjesinde, búginde barlyq qurylys jumystary aıaqtalyp, úılerge sý kirgizý jumysy júrgizilýde.
Almaty oblysynda partııalyq baqylaý komıssııasy mektep mańynda jol ınfraqurylymynyń joqtyǵyna shaǵymdanǵan Qosózen aýyly turǵyndarynyń aryzy boıynsha tekserý júrgizdi. Partııaǵa júgingennen keıin jaıaý júrginshiler ótkeline tez arada jol bógeti qoıylyp, trotýar salyndy jáne mektepke irgeles jatqan jolǵa jaryq ornatyldy. Sondaı-aq oqýshylardy tasymaldaý úshin 2 avtobýs bólý týraly sheshim qabyldandy.
Túrkistan oblysyna qarasty Qazyǵurt aýylyndaǵy balabaqsha qyzmetkerleri atqarǵan jumystary úshin únemi aqy tólemeıtinine shaǵymdandy. Partııanyń aralasýynan keıin aýdandyq bilim bólimi 9 mln 451 myń teńge kóleminde qalǵan jalaqy somasyn aýdaryp, mekeme basshylyǵyna tıisti tártiptik jaza sharalaryn qoldandy.
Partııanyń baspasóz qyzmeti atap ótkendeı, jyl basynan beri túsken azamattardyń ótinishterin taldaý boıynsha, Partııalyq baqylaý komıteti men óńirlerdegi komıssııalar ortalyq jáne jergilikti atqarýshy organdarǵa 6 myńnan astam usynys joldady. 210 adam partııalyq jaýapkershilikke tartylsa, olardyń arasynda birqatar vıe-mınıstrler, óńir ákimderiniń orynbasarlary, máslıhattardaǵy frakııa basshylary jáne t.b. bar. Olardyń ishinde túrli olqylyqtarǵa jol bergeni úshin 56 adam partııadan shyǵaryldy.
«Adyrna» ulttyq portaly
