«Nur Otan» partııasynyń baspasóz qyzmeti Elbasy, Partııa Lıderi Nursultan Nazarbaevtyń tapsyrmasy boıynsha qabyldanǵan árbir óńir, qala jáne aýdan úshin daıyndalǵan 217 jol kartasy aıasynda saılaýaldy ýádelerdi iske asyrýdyń 10 aıdaǵy aralyq qorytyndylary týraly málimettermen bólisti.
Memleket basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» saılaýaldy baǵdarlama aıasynda óńirlerde 11,6 mln sharshy metr turǵyn úı, 59 myń oryndyq 165 mektep, 28,5 myń oryndyq 354 balabaqsha, sondaı-aq 6,7 myń adam qabyldaıtyn 44 medıınalyq nysan paıdalanýǵa berildi. 248 kásiporyn ashylyp, 1 trıllıon teńgeden astam ınvestıııa salyndy. 315 myń adam turaqty jumys oryndaryna ornalastyryldy.
Máselen, Mańǵystaý oblysynyń Qyzylsaı aýylynda zamanaýı medıınalyq qural-jabdyqtarmen jabdyqtalǵan dárigerlik ambýlatorııa ashyldy. Endi emdelýshiler ýltradybystyq, rentgen, stomatologııa jáne zerthana qyzmetterin paıdalana alady. Barlyǵy 40-tan astam arnaıy kabınet jumys isteıdi.
Túrkistan oblysynda oblystyq mańyzy bar «Kóksaek-Aqsý-Shaıan-Myńbulaq» avtomobıl joly paıdalanýǵa berildi. Munda 14,8 km jol jóndelip, qaıta salynsa, al 7,7 km jolǵa asfalt-beton jabyny tóseldi. Eldi mekenderdiń ishinde jaıaý júrginshilerdiń qaýipsizdigin qamtamasyz etý úshin jalpy 10 km trotýar tóseldi.
Shyǵys Qazaqstan oblysynyń Kýrchatov qalasynda tennıs korty men basketbol alańynyń aýmaǵyn abattandyrý jumystar júrgizildi. Saılaý naýqany kezinde jastardan kóptegen usynystar kelip túskenin eskere otyryp, atalǵan másele partııanyń qalalyq saılaýaldy baǵdarlamasyna arnaıy tarmaq retinde engizilgen edi.
Almaty oblysynyń Baqanas aýylynda jańa dene shynyqtyrý-saýyqtyrý kesheni ashyldy. Jalpy aýdany 4 myń sharshy metrden asatyn ǵımaratta kúres, boks, fýtbol, basketbol, voleıbol, tennıs sııaqty sport túrlerimen aınalysýǵa jaǵdaı jasalǵan. Nysan barlyq qajetti sporttyq kerek-jaraqtarmen tolyqtaı jabdyqtalǵan.
Eske sala keteıik, «Nur Otan» partııasynyń saılaýaldy ýádeleri aıasynda 2025 jylǵa deıin 1 mln otbasy úshin 100 mln sharshy metrden astam turǵyn úı paıdalanýǵa berilip, 3,5 myń aýyl men 5 myń mektep jańǵyrtylady. 25 myń shaqyrym respýblıkalyq jáne 27 myń shaqyrym jergilikti joldar salý jáne qaıta jańartý kózdelip otyr.
«Adyrna» ulttyq portaly
