Qala ákiminiń turǵyndarǵa jaıly jáne qolaıly ómir súrý ortasyn qalyptastyrý týraly bergen tapsyrmasy negizinde qalanyń shalǵaı ornalasqan shaǵyn aýdaryna jalpy 52,7 shaqyrymdy quraıtyn 144 kóshege shaǵal tas tóseldi. Bul týraly qalalyq jolaýshylar kóligi jáne avtomobıl joldary basqarmasy málim etti.
Basqarma mamandarynyń aıtýynsha, júrgizilgen jumystardyń 47,2 shaqyrymy ıaǵnı, 131 kóshe Abaı aýdanyna tıesili eken, al, qalǵan 13 kóshe, 5,2 shaqyrym jol Ál-Farabı aýdanyna qarasty.
Atap aıtqanda Abaı jáne Ál-Farabı aýdandary boıynsha Táýelsizdikke 20 jyl, Kókbulaq, Jańatalap, Igilik, Qyzyljar, Sáýle, 276 oram, Aqjar-2 turǵyn alaptaryndaǵy kóshelerge shaǵal tas tóseý jumystary júrgizildi. Bul jumystardy merdiger mekeme «Asfalt» JShS atqardy.
Bul turǵyn alaptar qalaǵa jańadan qosylǵandyqtan ishki oram kóshelerine asfalt tóseý jumystary júrgizilmegen. Sebebi ortasha jóndeý jumystary erejege saı ınfraqurylym júıeleri júrgizilgennen keıin bastalady.
