Shymkent qalasy aýmaǵynda 482 bıýdjettik nysan ornalasqan bolsa, búgingi tańda 474 nysan jylytý maýsymyna daıyn. Iaǵnı, nysandardyń 98 paıyzy aldaǵy jylytý maýsymyna ázir. Bul jóninde jylytý maýsymyna daıyndyq jumystaryn pysyqtaý boıynsha qala ákiminiń qatysýymen ótken jıynda qalalyq energetıka jáne ınfraqurylymdy damytý basqarmasynyń basshysy B.Bolatbekov málimdedi.
Sala jetekshisiniń aıtýynsha, qaladaǵy 256 bilim nysany, 33 sport jáne 14 áleýmettik obektilerdiń barlyǵy jylytý maýsymyna daıyn. Al, densaýlyq saqtaýdaǵy 109 nysannyń 94 paıyzy, mádenıet salasyndaǵy 70 nysannyń 97 paıyzy daıyndalǵan.
Bıýdjettik nysandardyń kómirge qajettiligi 4,7 myń tonna, tasymaldanǵany 4,6 myń tonna, suıyq otynǵa qajettiligi 980 tonna bolsa, tolyq qamtamasyz etilgen. Qajetti otyn kólemi 1 qyrkúıekke deıin jetkiziledi dep kútilýde.
Aıta keteıik, jylytý maýsymy bastalǵan ýaqytta eń aldymen mektep, balabaqsha, medıına mekemeleri syndy áleýmettik nysandarǵa jylý beriledi.
