Praımerız - turǵyndarmen keri baılanysty barynsha kúsheıtýdi kózdeıdi, deıdi Shymkent qalasynyń ákimi, «Nur Otan» partııasynyń qalalyq fılıalynyń tóraǵasy Murat Áıtenov.Bul týraly ákim búgin áleýmettik jelidegi paraqshasynda málim etti, dep habarlaıdy QazAqparat.
Jazbasynda qala ákimi elimizde «Nur Otan» partııasynyń partııaishilik irikteý básekesi bastalǵanyn aıtyp, Qazaqstannyń partııalyq-saıası damý tarıhynda praımerız alǵash ret ótkizilip jatqanyna toqtalady. Onyń aıtýynsha, Praımerızdiń maqsaty – Parlament Májilisindegi jáne máslıhattaǵy tıimdi depýtattyq korpýsty odan ári qalyptastyrý, partııalyq jeli boıynsha ilgeriletý, olardy memlekettik organdardaǵy laýazymdarǵa usyný úshin básekelestik kúres negizinde naqty jáne myqty kóshbasshylardy anyqtaý. «Praımerız kezinde partııalyqtarmen partııa baǵdarlamalarynda óz sheshimin tabatyn ózekti, naqty jergilikti máseleler anyqtalady. Praımerız koronavırýs pandemııasy kezeńimen sáıkes kelgendikten partııaishilik irikteýge arnalǵan is-sharalardyń basym bóligin onlaın formatta ótkizý mindettelip otyr. «Myqty lıderler – Myqty partııa» qaǵıdasyn basshylyqqa alǵan «Praımerız» júıesi turǵyndarmen keri baılanysty barynsha kúsheıtýdi, jalpy jurtshylyqtyń pikirlerin eskere otyryp, túrli bastamalar men zań jobalaryn onlaın-talqylaý múmkindigin kózdeıdi»,-dep jazdy ákim. Onyń aıtýynsha, «Nur Otan» partııasynyń Shymkent qalalyq fılıaly praımerız ótkizýge qarqyndy daıyndyq júrgizdi. Ázirge shymkenttik 36 úmitker praımerızge qatysýǵa ótinish bergen. Úmitkerlerdiń ishinde 9 adam 35 jasqa deıingi jas ókilderi. «Elimizdiń barlyq bastamashyl, otansúıgish jáne jaýapkershiligi mol azamattaryn saıası básekege belsendi qatysýǵa shaqyramyn! Saıası dodaǵa qatysyp, óz eliniń damýyna úles qosamyn degen azamattar óz múmkindikterin jiberip almaýy tıis», -deıdi Shymkent qalasynyń ákimi, «Nur Otan» partııasy qalalyq fılıalynyń tóraǵasy.
