2021 jyldyń 5 qarashasynda Almaty q., Qazaqkonert zalynda Dıvalı merekesine arnalǵan merekelik konert (qazirgi tańda Úndistanda bul mereke Jańa jyl bolyp sanalady) ótti, dep habarlaıdy "Adyrna" ulttyq portaly.
Úndistanda Dıvalı merekesinde shamdar jaǵýdyń mańyzy zor. Úndi halqynda qarańǵylyq – nadandyqtyń, al jaryq – bilimniń nyshany bolyp sanalady. Jaryqtyń arqasynda dúnıeniń ásemdigi ashylady. Osylaısha, ot jáne shamdar jaǵý arqyly aıla, zorlyq, ashý, qyzǵanysh, ekijúzdilik, qorqynysh, ádiletsizdik jáne azap sııaqty teris kúshterden arylýǵa bolady. Shamdar jaǵý arqyly Jaratqanǵa qulshylyq ete otyryp, bilim, densaýlyq, adamgershilik, erlik, rýhanı baılyq jáne jan tynyshtyǵy sııaqty asyl qasıetterge jetýge bolady dep eseptelinedi.
Qazaqstan men Úndistandy elimiz táýelsizdik alǵannan beri kópjyldyq dostyq qarym-qatynastar baılanystyryp keledi. Úndistan Qazaqstan táýelsizdik alǵannan keıin bizdiń elmen dıplomatııalyq qarym-qatynas ornatqan alǵashqy elderdiń biri boldy. Sodan beri eki el arasyndaǵy yntymaqtastyq – ǵylym, mádenıet, bilim jáne bıznestiń ártúrli salalarynda júzege asyrylyp keledi. Osy oraıda, biregeı Ál-Farabı atyndaǵy Qazaq Ulttyq Ýnıversıtetinde ǵana Úndistannyń baı mádenıeti, ádebıeti men tarıhyn zertteıtin, qazaq, orys, hındı, ýrdý tilderin birdeı jetik meńgergen únditanýshy – mamandardyń daıyndalatynyn aıta ketken jón.
Ál-Farabı atyndaǵy Qazaq Ulttyq Ýnıversıteti men Úndistan Respýblıkasynyń Elshiligi arasyndaǵy birlesken is-sharalar eki el arasyndaǵy ǵylym jáne mádenıet salasyndaǵy yntymaqtastyqty damytýdyń mańyzdy elementi bolyp tabylady. Máselen, Shyǵystaný fakýltetinde Mahatma Gandı ortalyǵynyń ashylýy, Úndistannyń astanasy Nıý-Delı qalasynda Ál-Farabı ortalyǵynyń ashylýy, Úndistan Respýblıkasyna baılanysty aptalyqtar jáne jyl saıyn uıymdastyrylatyn Halyqaralyq ıoga kúni jáne t.b. ártúrli mádenı sharalardy aıtýǵa bolady. Osy oraıda 5 qarasha kúni uıymdastyrylǵan Dıvalı merekelik konerti joǵaryda atalyp ótken birlesken is-sharalardyń biri bolyp tabylady.
Konert Almaty-Qazaqstan Úndi klassıkalyq bı jáne ıoga ortalyǵymen, Svamı Vıvekananda mádenı ortalyǵy, Qazaqstan Respýblıkasyndaǵy Úndistan elshiligi jáne Ál-Farabı atyndaǵy Qazaq ulttyq ýnıversıteti, shyǵystaný fakýlteti, únditaný bólimimen birlesken túrde uıymdastyryldy. Osylaısha konerttik baǵdarlamaǵa Taıaý Shyǵys jáne Ońtústik Azııa kafedrasynyń únditaný bóliminiń 3-4 kýrs stýdentteri qatysty. Olar qazaq jáne orys tilderine aýdarmalarymen birge hındı tilinde prezentaııalar daıyndap, óleń shýmaqtaryn oqyp, ásem án tartý etti.
Merekelik konert Instagram jáne Facebook platformalardaǵy tikeleı translıaııanyń arqasynda halyqaralyq deńgeıde ótip, ártúrli elderden de tamashalaǵan aýdıtorııanyń joǵary baǵasyna ıe boldy.
QazUÝ, shyǵystaný fakýlteti
Taıaý Shyǵys jáne Ońtústik Azııa kafedrasy
Merýert Pernequlova
