Shymkentte jumyssyz azamattardy jumyspen qamtý sharalaryna tartý belsendi júzege asyrylýda. «Eńbek» baǵdarlamasy sheńberinde ýaqytsha jumysqa ornalasqan qala jastarynyń biri – Batyrhan Ámirhanov.
L.N.Gýmılıov atyndaǵy Eýrazııa ulttyq ýnıversıtetin «Qazaqstan tarıhy» mamandyǵy boıynsha támamdaǵan jas maman biraz ýaqyt jumyssyz júrgen. 2021 jyldyń basynda qalalyq jumyspen qamtý ortalyǵynda «jumyssyz» mártebesimen tirkelip, kóp uzamaı Shymkent qalasy Abaı aýdanynyń ákimi apparatyna «qoǵamdyq kómekshi» retinde jyl sońyna deıin ýaqytsha jumysqa joldandy.
– Jumys izdeýshi azamattarǵa memleket tarapynan túrli baǵyttaǵy baǵdarlamalar usynylyp otyr. Eńbek etkisi keletin adamǵa qaı kezde bolsa da jumys tabylady. Men de sol ustanymdy qoldaımyn. Ýaqytsha bolsa da jumysqa ornalasyp, tabys taýyp júrmin, – deıdi 23 jastaǵy baǵdarlama qatysýshysy.
Bıyl qoǵamdyq jumyspen 3 000-ǵa jýyq adam túrli mekemeler men kásiporyndarǵa joldandy. Qazirgi ýaqytta jospar artyǵymen oryndalyp, ýaqytsha jumysqa joldama berý ázirge toqtatylǵan.
Aıta ketsek, ýaqytsha jumys orny bolyp eseptelinetin «Qoǵamdyq jumys» aldyn-ala kásiptik daıarlaýdy talap etpeıdi.
