Shymkentke Vero Cell vakınasy jetkizildi

1666
Adyrna.kz Telegram

Shymkenttik turǵyndarǵa endi qytaılyq Vero Cell vakınasy qoljetimdi bolmaq. Úshinshi megapolısqa kúni keshe ǵana ekpeniń 80 000 dozasy jetkizildi. Onyń 40 000-y birinshi komponent, al qalǵany ekinshi komponent. Ekpeniń bul túri shahardaǵy barlyq memlekettik jáne jekemenshik koronovırýsqa qarsy vakına egý pýnkterinde jetkizildi deıdi jaýaptylar.

Baqytjan Pozılov, Shymkent qalalyq densaýlyq saqtaý basqarmasynyń basshysy:
«Qazirgi tańda qalamyzda vakınaııa tańdaýy óte joǵary bar bizde qazirgi tańda. 5 vakına bar. Adamdar ózderi tańdaýyna baılanysty saldyrsa bolady. Olar spýtnık, kazvak, koronovak, haıat vak, jáne kúni keshe ǵana kelgen Vero Cell».

Aıta keteıik, qaladaǵy barlyq egý pýnkteri tańǵy saǵat 08:00-den keshki 20:00-ge deıin demalyssyz jumys isteıdi. Sondaı-aq, jumys ornynda 10-nan asa qyzmetker antıdot qabyldaıtyn bolsa, dárigerler ózderi kelip vakına salady. Búginde osy maqsatta 25 jyljymaly pýnkt jumys isteýde.

Pikirler