Qazaqstandyq dıqandar qambaǵa bir mıllıon tonna bıdaı jınady. Elde 960 myń gektardan astam egis alqaby orylyp bitti.
Jıyn-terim 6 óńirde júrip jatyr. Onyń ishinde jambyldyq sharýalar naýqandy aıaqtaýǵa jaqyn. Munda bıdaı alqabynyń 96%-i ıgerildi. Batys Qazaqstan oblysynda da egistiktiń 71%-i jınaldy.
Sondaı-aq Túrkistan, Qyzylorda, Almaty jáne Shyǵys qazaqstan oblystarynda da bıdaıǵa oraq túsken. Aýylsharýshylyq mınıstrligi bıyl bıdaı byltyrǵydan 20%-ke az bolady degen boljam jasady.
Egin jınaý naýqany Qazaqstan ǵana emes, álemniń birneshe elderinde júrip jatyr. Dese de, bırjada bıdaı baǵasy túser emes. Fıýchersteri joǵary qaraı baǵyt alǵan. Sarapshylardyń aıtýynsha, dál qazir usynys kóp, suranys azdaý bolyp tur. Sonyń ózinde baǵa tómender emes.
