Ol fashıstik shaıqastan oralmaǵan Uly Otan soǵysy ardagerleriniń týystary men jaqyndaryn izdeýmen aınalysady. Mektep oqýshysy Artýr Dreılıng munyń bárin tegin jasaıdy, qan maıdanynda soǵysqandardyń júzden astam týystaryn taýyp úlgergen.
Artýr izdeý jumystaryn áleýmettik jeli arqyly júzege asyrady, ol TMD jáne alys shetel eriktileriniń qataryna qosylǵan. Osylaısha oqýshy ondaǵan jyldar boıy taba almaı júrgen óziniń arǵy atasyn tapqan.
Shymkent qalasynyń týmasy Ádil Ýsmanovtyń múrdesi Ýkraına jerinen baýyrlas zırattan tabyldy. Uly Otan soǵysy batyrynyń qasynda búlinbegen qujat jatqan. Sol boıynsha izdeýshiler jaýyngerdiń turǵan jáne 1924 jyly týǵanyn anyqtaǵan. Maıdannan oralmaǵan sarbazdardyń týystaryn izdestirýmen qazir shymkenttik oqýshy Artýr Dreılıng aınalysýda. Ol Uly Otan soǵysynyń maıdan dalasynda qalǵan barlyq jaýyngerdi máńgilik eske alý – bizdiń mindetimiz dep sanaıdy.
Artýr Dreılıng, erikti: «Jaýyngerdiń sol qolynda qujat tabyldy, onda bizdiń qalamyzdan shyqqan dep jazylǵan. Biz onyń týystaryn tabamyz dep úmittenemiz».
Soǵystan úıine oralmaǵan ardagerlerdi izdestirýdi jas jigit bir jyl buryn bastaǵan. Onyń úlken atasy da habar-osharsyz ketkender tiziminde bolǵan. Muraǵat derekteri men qamqor adamdardyń arqasynda Artýr áleýmettik jeliler arqyly týysynyń qaıda jerlengenin bildi. Bul úshin oqýshyǵa shamamen bir jyl qajet bolǵan eken.
Artýr Dreılıng, erikti: «Bir jyl buryn men izdeýdi bastadym jáne jerleý ornyn anyqtadym, arnaıy eriktiler toby men «Pamıat naroda» saıty arqyly atamdy taptym. Mine, endi basqalarǵa da kómekteskim keledi. Men búgingi urpaq óz batyrlaryn bilgenin qalamaımyn».
Uly Otan soǵysy kezinde habar-osharsyz ketken keıbir maıdangerler týraly áli de eshbir habar joq. Olar shaıqasta qaza tapty ma, tutqynǵa alyndy ma nemese tiri qaldy ma — týystary ony bilmeıdi. Artýr úshin soldat Ýsmanovtyń týystary týraly kez-kelgen aqparat qazir mańyzdy. Izdestirý jumystaryn aıaǵyna deıin jetkizý mańyzdy degen ol maıdangerdiń súıegi týǵan jeinde jerlenýi kerektigin aıtady.
