Aǵymdaǵy jylǵy shilde aıynyń 7 men tamyz aıynyń 7 kúnderi aralyǵynda «Visit Shymkent» ortalyǵynyń uıymdastyrýymen mobılograftar arasynda baıqaý ótti.
Bir aı boıy jalǵasqan baıqaýǵa 15-25 jas aralyǵyndaǵy 20-ǵa jýyq mobılograftar baq synasyp, óz materıaldarynda Shymkenttiń týrıstik nysandaryn kórsetýge tyrysty. Uzaqtyǵy 1 mınýtqa deıingi Shymkent qalasynyń kórikti oryndary túsirilgen vıdeolar kelip tústi.
Shymkenttiń týrıstik áleýetin arttyryp, daryndy jastardy qoldaýǵa baǵyttalǵan baıqaýdyń jeńimpazdaryna demeýshiler tarap 100 myń teńge qarjylaı syı úlestirildi.
Shyǵarmashyl jastardyń jumysyn arnaıy qazylar alqasy anyqtady. Ádilqazylar quramynda – «Úrker» ulttyq syılyǵynyń ıegeri, kásipqoı fotograf -Maqsat Shaǵyrbaı jáne «TALAS FILM» kınostýdııasynyń dırektory, rejısser – Serik Talasov bar. Tájirbıeli sala ókilderi baıqaý qatysýshylarynyń vıdeolardy saralaı kele jeńimpazdardy anyqtady. Kreatıvti túsirilim jasap, sapaly kadr jasaǵan úzdikter tómendegideı.
I oryn – Aıdana Shyrynbek, Ernur Quraıysh
II oryn – Kelesbek Nurbolat
III oryn – Baıanov Meıirjan
– Qyz balalardyń vıdeo túsirý salasyna bet-burǵany jáne er azamattarmen qatar sapaly rolıkterdi jasaýy qýantarlyq dúnıe. Kadrda túngi túsirilimder bar, bul qyz balasynyń tarapynan úlken eńbek dep oılaımyz.1 mınýttyq rolıkte kadrlar men mýzyka úılesim tapqan», – dedi Maqsat Shaǵyrbaı.
Iaǵnı 100 myń teńge qarjylaı júlde birinshi oryn alǵan eki qatysýshyǵa berildi. Ekinshi jáne úshinshi oryn alǵan azamattarǵa baǵaly estelik syılyqtar men «Alǵys hattar» tabystaldy.
Aıta keteıik, baıqaýǵa usynylǵan materıaldyń avtorlyq quqyǵy «Visit Shymkent» aqparattyq ortalyǵynyń menshigine berildi.
