Bangladeshte nysana kózdeýden halyqaralyq onlaın týrnır ótýde. Jarys barysynda keshe Qazaqstan quramasy júldeli oryndarǵa ıe boldy. Atap aıtqanda, qorjynǵa 2 altyn, 2 kúmis jáne 1 qola júlde saldy. Al onyń 1 altyn, 1 kúmis júldesi qurama sapyndaǵy Shymkenttik sportshylardyń enshisinde.
Jerlesterimiz Elızaveta Bezrýkova pnevmatıkalyq vıntovkamen 10 metrge atý jattyǵýy boıynsha 629,6 upaı sanymen jeńimpaz atanyp, Qazaqstan rekordyn jasady, al Irına Loktıonova pnevmatıkalyq tapanshamen 10 metrge kózdeý básekesinde 568 upaımen kúmis júlde jeńip aldy.
Sonymen birge almatylyq sportshylar da júldeli oryndardan kórindi.
Halyqaralyq onlaın týrnırge Ýkraına, Bangladesh, Tájikstan, Pákistan, Qyrǵyzstan, Bahreın eliniń sportshylary qatysty.
Shymkent qalasynyń Aqparattyq-kommýnıkaııalyq ortalyǵy
