18 qarashada Almatyǵa Pfizer (Comirnaty) kompanııasy shyǵarǵan COVID-19-ǵa qarsy vakınanyń kezekti partııasy keldi. Júk quramyna 266 760 doza kirdi. Pfizer kompanııasymen júrgizilgen kelissózderdiń qorytyndysy boıynsha biryńǵaı dıstrıbıýtor barlyǵy 4 mln.230 myń doza satyp aldy.
Qabynýǵa qarsy preparatty amerıkandyq Pfizer kompanııasy jáne Germanııanyń BioNTech tehnologııalyq kompanııasy shyǵarǵan. Comirnaty Pfizer/BioNTech vakınasyn DDU-y shuǵyl paıdalanýǵa ruqsat etilgen.
Kelgen vakına QR DSM SEBK-niń ruqsattamasyna sáıkes jedel túrde elimizdiń óńirlerine jiberildi.
Comirnaty vakınasyn jetkizý tikeleı oblystyq Densaýlyq saqtaý basqarmalarynyń qoımalaryna júzege asyrylady. Vakınalardy tasymaldaý "sýyq tizbek" qaǵıdaty boıynsha júrgiziledi — árbir kezeńde temperatýralyq rejımdi qatań saqtaý qamtamasyz etiledi. Sonymen qatar, ár deńgeıde óziniń jaýapty uıymy jáne jaýapty tulǵalary bar.
Vakına logıstıkasynyń operatory - Comirnaty vakınasyn tasymaldaýǵa mamandandyrylǵan Pfizer kompanııasynyń seriktesi bolyp tabylatyn UPS halyqaralyq logıstıkalyq kompanııasy. UPS kompanııasy vakınalardy ýltra tómen temperatýralyq rejımdi qoldaıtyn "Pfizer" kompanııasynyń "Softbox" arnaıy tasymaldaý konteınerlerinde tasymaldaıdy.
«Adyrna» ulttyq portaly
