Eldık müdde jolynda tıze qosyp qimyldau - barşamyzdyŋ qasiettı paryzymyz. Būl turaly Jambyl Jabaevtyŋ 175 jyldyǧyna arnalǧan «Ūly dala aqyny» atty halyqaralyq konferensiiada QR Prezidentı Äkımşılıgı basşysynyŋ bırınşı orynbasary Däuren Abaev aitty, dep habarlaidy «Adyrna» tılşısı QazAqparatqa sılteme jasap.
«Azamattarǧa, äsırese, öskeleŋ ūrpaqqa bılım beru – memlekettıŋ maŋyzdy mındetterınıŋ bırı. Al mädeniet – otbasynda jäne ösken ortada alǧan tärbieden bastalady. Sol üşın qoǧamnyŋ mädeniettı boluyna memleketpen qatar är otbasy da jauapty. Mūndai ortaq jüktı memleket pen qoǧam tıze qosyp, teŋdei köterısuge tiıs. Būl ıste, äsırese, ziialy qauymǧa artylar salmaq erekşe. Qai zamanda da eldık mäselenıŋ dūrys-būrysyn el aǧalary baǧdarlap kelgen. Aǧylşyndar Şekspirmen maqtanyp, orystar Puşkindı pır tūtsa, bız de ūly tūlǧalarymyz ben klassikterımızge süienemız. Eldık müdde jolynda tıze qosyp qimyldau barşamyzdyŋ qasiettı paryzymyz dep esepteimın», - dedı Prezident Äkımşılıgı basşysynyŋ bırınşı orynbasary.Ol taiauda Jazuşylar odaǧynda bolyp, intellegensiia ökılderımen kezdesuınde öz oilarymen bölıskenın atap öttı.
«Memleket basşysynyŋ tapsyrmasyna säikes elımızde qalamgerlerdı, äsırese jas aqyn-jazuşylardy qoldau ısı qarqyndy türde jalǧasatyn bolady. Ötken jyly ziiatkerlık qoǧamdastyǧynyŋ bırqatar ökılı Abai atyndaǧy memlekettık syilyqqa laiyq dep tanyldy. Biyl, Täuelsızdık künı qarsaŋynda da köptegen ädebiet ökılderı memlekettık nagrada alady. Jyl saiyn ädebiet pen mädeniet qairatkerlerı prezidenttık stipendiia berıledı», - dedı Däuren Abaev.
«Adyrna» ūlttyq portaly
