2021 jylǵy 1 qarashadaǵy jaǵdaı boıynsha 16 059 sheteldik azamat jergilikti atqarýshy organdardyń ruqsaty boıynsha Qazaqstan Respýblıkasynyń aýmaǵynda eńbek etip júr dep habarlaıdy "Adyrna" ulttyq portaly.
Sheteldik jumys kúshin tartýǵa berilgen ruqsattardyń ishinde mynadaı sanattar bar: birinshi sanat – 647 (basshylar jáne olardyń orynbasarlary), ekinshi sanat – 3 222 (qurylymdyq bólimshelerdiń basshylary).
Tartylǵan sheteldik jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady, olardyń sany tıisinshe 7 746 adam jáne 718 adam. Sondaı-aq maýsymdyq jumystarǵa – 1 769, al korporatıvtik aýystyrý sheńberinde 1 957 adam tartylǵan.
Qazirgi ýaqytta Qazaqstanda sheteldik jumys kúshin paıdalanatyn 1 739 jumys berýshi bar. Olarda shamamen 458 myńnan astam Qazaqstan azamattary jumys isteıdi, bul jalpy jumysshylar sanynyń — 97%-y.
Eńbekshi mıgranttar shyǵatyn negizgi elder kelesi: Qytaı – 4 068 adam, Túrkııa – 2 069 adam, Ózbekstan – 1 782 adam, Úndistan – 1 212 adam, Ulybrıtanııa – 1 047 adam.
Esterińizge sala keteıik, ishki eńbek naryǵyn qorǵaý maqsatynda, QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.
"Adyrna" ulttyq portaly.
