“Ǧalam aruy-2020”, 2019 jyly "Qyzylorda aruy" atanǧan Kamila Serıkbai özıne qolaisyz ūsynys aitatyn bai-baǧlandardyŋ köp ekenın aitty. Aru atanǧan ärbır qyzdyŋ basynda bolatyn jaǧdai ekenın de jasyrmady, dep habarlaidy “Adyrna” ūlttyq portaly Ekspress K saityna sılteme jasap.
“Türlı ūsynys aitatyndardyŋ sany köp” deidı Kamila. Boijetken olardyŋ sözıne män bermeitının jetkızdı.
"Qazaqstan aruy"baiqauyna qatysqan qyzdardyŋ barlyǧynyŋ basynda bolady. Ärbırıne qolaisyz ūsynystar aitylady. Maǧan da äleumettık jelıde baişykeşter tösek qatynasyn ūsynyp, köptep hat jazady. Men olardyŋ sözıne män bermeimın. Bastapqyda auyr tietın. “Joq“ degen jauap jazyp jıberemın”, – dedı Kamila.
BAQ-ta Kamilanyŋ sūlulyq baiqauynda tabysqa jetuıne şeneunıkpen tuystyq bailanystary äser etkenın jarysa jazdy. Bıraq qyzdyŋ özı būl aqparatty joqqa şyǧaruǧa tyrysty. Ol özınıŋ jelıde aitylǧandai Qyzylorda oblysynyŋ eks-äkımınıŋ nemeresı jäne joǧary lauazymdy şeneunıktıŋ qyzy emes ekenın mälımdedı.
“Äkem – Erlan Ahmetov Serıkbaiūly (Qyzylorda oblysynda mūnai salasynda jūmys ısteidı), anam – Elmira Abitova, üi şaruasyndaǧy äiel. Tuystarymnyŋ arasynda şeneunıkter joq”, – dedı ol.
“Adyrna” ūlttyq portaly
