“Qazaqstan arýlaryna” qolaısyz usynys aıtatyn baı-baǵlandar óte kóp

2360

“Ǵalam arýy-2020”, 2019 jyly "Qyzylorda arýy" atanǵan Kamıla Serikbaı ózine qolaısyz usynys aıtatyn baı-baǵlandardyń kóp ekenin aıtty. Arý atanǵan árbir qyzdyń basynda bolatyn jaǵdaı ekenin de jasyrmady, dep habarlaıdy “Adyrna” ulttyq portaly Ekspress K saıtyna silteme jasap.

“Túrli usynys aıtatyndardyń sany kóp” deıdi Kamıla. Boıjetken olardyń sózine mán bermeıtinin jetkizdi.

"Qazaqstan arýy"baıqaýyna qatysqan qyzdardyń barlyǵynyń basynda bolady. Árbirine qolaısyz usynystar aıtylady. Maǵan da áleýmettik jelide baıshykeshter tósek qatynasyn usynyp, kóptep hat jazady. Men olardyń sózine mán bermeımin. Bastapqyda aýyr tıetin. “Joq“ degen jaýap jazyp jiberemin”, – dedi Kamıla.

BAQ-ta Kamılanyń sulýlyq baıqaýynda tabysqa jetýine sheneýnikpen týystyq baılanystary áser etkenin jarysa jazdy. Biraq qyzdyń ózi bul aqparatty joqqa shyǵarýǵa tyrysty. Ol óziniń jelide aıtylǵandaı Qyzylorda oblysynyń eks-ákiminiń nemeresi jáne joǵary laýazymdy sheneýniktiń qyzy emes ekenin málimdedi.

“Ákem – Erlan Ahmetov Serikbaıuly (Qyzylorda oblysynda munaı salasynda jumys isteıdi), anam – Elmıra Abıtova, úı sharýasyndaǵy áıel. Týystarymnyń arasynda sheneýnikter joq”, – dedi ol.

“Adyrna” ulttyq portaly

Pikirler
Uqsas jańalyqtar