Qaraǵandy oblysynda 20 jyl quldyqta boldym degen Reseı azamaty sońynda sózinen taıqyp shyqty, dep habarlaıdy “Adyrna” ulttyq portaly Stan.kz saıtyna silteme jasap.
Kezinde Prıozersk qalasyndaǵy Reseı áskerı bóliminde boryshyn ótegen ol úıine qaıtpaı, osy óńirde ózi qalyp qoıǵany belgili boldy.
“Polıııa qyzmetkerlerimen birden QR Reseı elshiligine habarlama berildi. Solardyń qatysýymen qazir tergeý áreketteri júrgizilýde. Alaıda jábirlenýshi azamat óziniń aldynda jarııalaǵan habarlamasynan qazir bas tartyp otyr. "Meni eshkim ustaǵan joq, men Qazaqstanda óz erkimmen boldym" degen málimdeme jasady. Onyń qolynda áskerı bıleti jáne basqa qujattary bar”, – dep málimdedi Qaraǵandy oblysy polıııa departamentiniń baspasóz hatshysy Baqytjan Qudııarov.
Beınejazbada 44 jastaǵy Alekseı Kotov Qaraǵandy oblysy Shet aýdanyndaǵy qystaqtardyń birinde 20 jyl quldyqta júrgenin aıtqan. Kóp uzamaı polıeıler atalǵan qystaqty taýyp, Alekseı Kotovty Qaraǵandyǵa jetkizipti. Ol aryzdanǵan qojalyq ıesin de ustap, qylmystyq is qozǵaǵan. Alaıda aıtqan sózinen elshilik ókilderiniń kózinshe bas tartypty.
Aıtýynsha, árkerı qyzmetinen keıin Qaraǵandy oblysynda qalyp, qańǵybas kúıge túsipti. Alaıda aǵynan jarylǵan Alekseıdi dıplomattar aldy-artyna qaratpaı jetektep ala jóneldi. Jalpaq jurtqa quldyqta júrgenin jar salǵanan keıin sózinen aınýynyń sebebin tilshiler de bilmek bolǵan. Biraq elshilik ókilderi belgisiz sebeptermen ony sóıletpeı, tipti ersi qylyq ta tanytty.
Buǵan deıin polıııa er adamnyń ózin Iaroslavl oblysy Gavrılov-Iamsk aýdany Gore-Grıaz aýylynyń týmasy Alekseı Aleksandrovıch Kotovpyn dep tanystyryp, tutqynda ekenin aıtqan beınejazbany usynǵan bolatyn. Er adam ata-anasynan kómek qolyn sozýdy suraǵan edi.
“Adyrna” ulttyq portaly
