J.Mamaıdyń sot sheshimderiniń jartylaı oryndamaý áreketteri qısynsyz – sot oryndaýshy

1727
Adyrna.kz Telegram

Almatynyń №2 Áýezov aýdandyq soty jeke sot oryndaýshysynyń B.Baıbektiń ar-namysyn, qadir-qasıetin jáne bedelin qorǵaý jónindegi sot sheshiminiń jalǵan materıaldardy joıý jáne tıisti teriske shyǵarýdy jarııalaý bóliginde tolyq oryndalmaýy týraly ótinishin qanaǵattandyrdy. Bul týraly zańger Aıjan Táshenova jazdy, dep habarlaıdy «Adyrna» tilshisi.

«Sot Mamaı men Imanbaevaǵa lıenzııalar, ruqsattar, arnaıy quqyqtar berýge tyıym salý, sondaı-aq Mamaıdyń júrgizýshi kýáliginiń qoldanylýyn ýaqytsha toqtata turý týraly sheshim shyǵardy. Alaıda, Imanbaeva úshin bul tarmaq 2017 jyly onyń júrgizýshi kýáliginiń qoldanylý merziminiń aıaqtalýyna baılanysty ózekti emes.

Esterińizge sala keteıin, bul sharalar sot oryndaýshysy tarapynan iske asyrylýda. Olar zańnamada «quqyq ústemdigi» qaǵıdatyn qamtamasyz etý maqsatynda naqty jazylǵan. Zań barlyǵyna birdeı»,– dedi ol.

Zańger sot proesi týraly da aqparat berdi.

«Sot otyrysy kezinde Imanbaeva qandaı da bir zańgerlerdiń pikirine silteme jasaı otyryp, ruqsat berý qujattaryn shekteý boıynsha qabyldanatyn sharalardyń zańsyzdyǵy týraly maǵynasyz rıtorıkany jalǵastyrǵanyn atap ótemin. Men buǵan deıin osy másele boıynsha tıisti resmı túsiniktemeler bergen bolsam da, sóz uqpaıtyndarǵa taǵy bir ret túsindirip óteıin. «Atqarýshylyq is júrgizý jáne sot oryndaýshylarynyń mártebesi týraly» Zańda naqty negizdemeler qarastyrylǵan. Sonyń biri – múliktik emes sıpattaǵy talaptardy oryndamaý bolyp tabylady. Oǵan 2 ınstanııadaǵy sottar qabyldaǵan sheshimder boıynsha jalǵan vıdeolardy joıý jáne teriske shyǵarý da jatady.

Aldaǵy ýaqytta boryshkerlerge proestiń barlyq qatysýshylarynyń ýaqytyn únemdeýdi jáne olar úshin tolyqtaı tegin beriletin sapaly keńes alý úshin dereý maǵan habarlasýdy usynamyn.

Jaýapkerler men olardyń ókili áreketiniń qısynsyzdyǵy taǵy da tań qaldyrýda. Sot oryndaýshysy durys atap ótkendeı, Mamaı men Imanbaeva sot shyǵarǵan sheshimniń ádildigi men zańdylyǵyn moıyndaı otyryp, sot shyǵyndaryn tolyq ótegen. Al endi olardyń sheshimniń basqa bóligin oryndamaý áreketteri kem degende qısynsyz ári esh nátıjesiz.

Táshenovanyń aıtýynsha, Mamaı men onyń zańgeri E.Qalıevtiń is-áreketteriniń qısynsyzdyǵynyń taǵy bir mysaly – sot sheshiminiń oryndalýyn keıinge qaldyrýǵa tyrysýy.

«Keshegi otyrysta Qalıev jala japqan vıdeony joıýdy jáne ony jarııa túrde teriske shyǵarýdy keıinge qaldyrý týraly aýdandyq sotqa ótinish bergenine baılanysty óndiristi toqtata turý qajettiligi týraly aıtty. Bul da onyń sot sheshiminiń ádildigi men zańdylyǵyn tolyq moıyndaǵanyn rastaıdy!

«Zańger» Qalıevtiń sot proesine qaıtadan esh daıyndyqsyz qatysqanyn aıtýdyń ózi yńǵaısyz. Nelikten oǵan senim bildirýshilerdiń júrgizýshi quqyǵyn toqtata turýǵa bolmaıtyny týraly qorǵaýshy taraptyń pozıııasyn qarapaıym túrde aıtyp jetkizý kerek bolatyn.

Ózderiniń sátsiz jeńilisterin jasyrýǵa tyrysqan Mamaı men Qalıev taǵy da sot otyrysynan kórinis uıymdastyrýǵa tyrysty. Qaıtadan bos áýreshilikke salynyp, jalǵan «dálelderine» júgindi.

Nátıjesinde, Mamaıǵa endi jaıaý júrýge týra keledi. Meniń Mamaı men Imanbaevaǵa berer keńesim – budan bylaı da shekteý sharalaryna ushyramaý úshin tek sot sheshimin tolyǵymen oryndaý qajet!

Jaýapkerlerge salynǵan jańa sankııalar olardyń esin jıdyryp, olar aqyrynda durys sheshim qabyldap, jalǵan materıaldardy joıyp, ózderiniń ıýtýb-arnalarynda teriske shyǵarýdy jarııalaıdy dep úmittenemin.

Eger osy talap oryndalsa, onda barlyq shekteýler dereý alynyp tastalady. Bulaı bolmaǵan jaǵdaıda, biz olardyń basty «shoýynyń» - Almaty kóshelerin sypyrýlarynyń kýási bolamyz»,— dep sózin qorytyndylady ol.

Pikirler