Aqtóbe oblysynyń ákimi Ońdasyn Orazalın Hromtaý jáne Áıteke bı aýdandarynda boldy dep habarlaıdy "Adyrna" ulttyq portalynyń tilshisi.
Oblys ákimi Hromtaý aýdanyna qarasty Tasótkel jáne Aqbulaq aýyldaryndaǵy aýylishilik gaz qubyrlaryn iske qosý rásimine qatysty.
Eldi mekenderge gaz berý óńirlerdi 2025 jylǵa deıin damytýdyń memlekettik baǵdarlamasy aıasynda jalpy uzyndyǵy 78,6 shaqyrym bolatyn aýylaralyq gaz qubyrlarynyń qurylysy aıaqtalǵan soń múmkin boldy. Quny 750 mln-nan asatyn jobany "Babek Qurylys" JShS merdiger mekemesi júzege asyrdy. Sol kúni Áıteke bı aýdanyndaǵy Araltoǵaı aýyly da gazben qamtyldy.
"ASÝ-K" JShS merdiger mekemesi 23,5 shaqyrym gaz qubyryn tósedi. Jumystyń jalpy quny 299 mln teńgeni qurady. Aýyldaǵy 230 úı men 4 áleýmettik nysanǵa kógildir otyn kiredi.
"Gazdy biz aldymen damý keleshegi bar, týý jaǵynan da, kóshi-qon jaǵynan da dınamıkasy jaqsy iri eldi mekenderge júrgizýge tyrysamyz. Ádette bul - sharýamen aınalysý úshin sýy bar, jaǵdaıy jasalǵan, úlken joldyń boıynda ornalasqan eldi mekender. Sony eskersek, bizde perspektıvti jospar bar. Gaz qubyryn júrgizý - bir kúndik jumys emes ekeni túsinikti, ol úshin memlekettik saraptama júrgizýdi eseptegende keminde bir jyl ketetin jobalyq-izdenis jumystary, jobalyq-smetalyq qujattama daıyndaý kerek. Baqytymyzǵa qaraı Úkimet bizdi bul bastamada belsendi qoldaıdy, jáne sońǵy kezde biz jyl saıyn keminde 15-16 aýyldy gazben qamtyp otyrmyz.
Bıyl 14 aýylǵa gaz kirgizemiz dep josparlaǵanbyz, biraq 16 aýyldy qamtydyq. Bul merdigerlerdiń adal jumysy men ınvestıııalyq joba esebinen qosymsha eki eldi mekendi qosqan "Intergaz entralnaıa Azııa" kompanııasynyń qoldaýy arqasynda. Gazben qamtý shaǵyn jáne orta bıznesti damytýǵa yntalandyrsa, bir jaǵynan bul biz halyqty qamtýymyz qajet qarapaıym turmystyq jaǵdaılar",- dedi Ońdasyn Orazalın.
Qarabutaq aýylynyń ishindegi bıyl jóndelgen kóshelerdi qarap bolǵan soń aýdan ákimi Darhan Ermaǵanbetovtiń Qarabutaq aýyldyq okrýgin damytý múmkindikteri týraly baıandamasyn tyńdady.
"Bıyl Qarabutaqta "Aýyl-el besigi" baǵdarlamasy boıynsha bes kóshe jóndeldi, jaryn jumys jalǵasatyn bolady, tıisti jobalyq-smetalyq qujattama ázirlendi. Sizdiń tapsyrmańyzǵa saı kóshelerdi jaryqtandyrý jumysy da kúsheıtildi. Qarabutaqta 29 kóshe bolsa, onyń 90%-ynda jaryq bar. Sý qubyryn qalpyna keltirip, keńeıtýge jobalyq-smetalyq qujattama ázirlenip jatyr. Sport mektebi ashyldy, sport keshenin turǵyzatyn oryn daıyn tur.
Belqopa aýylynda jyl sońyna deıin gaz qubyrynyń qurylysyn aıaqtaýdy josparlap otyrmyz, sý qubyryn salýǵa baıqaý jarııalandy. Jarótkel aýylynda aýylǵa kiretin joldy, mektep
ornalasqan kósheni kúrdeli jóndeý josparlanýda, sonymen qatar, aýyldy sýmen qamtamsyz etetin jobalyq-smetalyq qujattama saraptamadan ótip jatyr. Eńbektý aýylynda aýylishilik joldardy jóndeý, kóshelerdi jaryqtandyrý jáne mektepterdi kúrdeli jóndeý jumystary júrgiziledi",- dedi D.Ermaǵanbetov.
Jumys sapary aýdan ortalyǵy - Temirbek Júrgenov aýylynda jalǵasty. Munda oblys ákimi aýylǵa esimi berilgen
memleket jáne qoǵam qaıratkeriniń músininiń aldyna gúl shoqtaryn qoıdy. Músin bıyl qazan aıynda "Jomart - Áıteke bı" qoǵamdyq qorynyń qarjysyna ornatylǵan.
Osy jyly aýyldaǵy stadıon túbegeıli ózgerdi. Qalpyna keltirý jumystary kezinde munda júgiretin jol men shaǵyn fýtbol oınaıtyn jasandy gazony bar alań salyndy, vorkaýt alań men 608 kórermenge arnalǵan trıbýnalar ornatyldy, ákimshilik ǵımarat retke keltirildi. Aıta keteıik, bul stadıonǵa 33 jyl ishinde jasalyp turǵan birinshi jóndeý jumystary.
Jumys sapary halyqtyń áljýaz tobyna jatatyn úı kezeginde turǵandarǵa jańa baspanalarynyń kiltin tabys etýmen jalǵasty. Segiz kópbalaly otbasy jańa qonys ıesi atandy. Olar úshin arnaıy eki bólmeli tórt úı salynǵan.
"Kóp jyldar boıy kezekte turdyq. Balalarymyzǵa jaǵdaı jasaǵany úshin memleketke rahmet. Kópbalaly, muqtaj otbasylar baspanaly bolsynshy. Bizdiń alty balamyz bar. Tuńǵyshymyz 11 jasta, kenjemiz erteń 2-ge tolady. Ulymyzdyń týǵan kúnine osyndaı syılyq bolaıyn dep tur",- dedi qýanyshymen bólisken kópbalady áke, temirjolshy Talǵat Ómirzaqov.
Óńir basshysy muqtaj jandardy qoljetimdi ári qolaıly baspanamen qamtýǵa basymdyq beriletinin atap ótti.
"Memleket basshysynyń tapsyrmasyna sáıkes Úkimet birqatar baǵdarlamalardy ázirlegen, sol úshin qarajat bólinýde. Jáne jumys tek oblys ortalyǵynda ǵana júrip jatqan joq. Kezekte turǵandarǵa arnalǵan baspana, sonyń ishinde kópqabatty turǵyn úı aýdan ortalyǵynda da berilip jatyr. Máselen, Badamshada jýyrda besqabatty úı tapsyrylady. Munda aýyldyq aımaqqa barynsha qolaıly bolatyn, otbasylar sharýalarymen aınalysý úshin birqabatty baspana salynǵan",- dedi Ońdasyn Orazalın jańa qonys ıelerine.
Jalpy, aýdan ortalyǵy belsendi damyp keledi, abattandyrý boıynsha aýqymdy jumystar júrgizilip jatyr. Bıyl
"Aýyl-el besigi" baǵdarlamasy aıasynda 412 mln teńgeden astam somaǵa birden jeti kóshe jóndeldi, keler jyly alty kóshe jóndeledi. Sonymen birge aýdan ortalyǵyndaǵy barlyq kóshe 2022 jylǵa qaraı tolyqtaı jaryqpen qamtylady. Sondaı-aq, osy jyly 21 bólimshesi men 17 myń oqyrmany bar ortalyq kitaphana ǵımaraty restavraııalandy. Budan bólek, demeýshiler qarajaty esebinen jańa saıabaq ashyldy.
"Bıznesmenderdiń óz qarjysyna saıabaqtar, balalar alańy men gúl baqtaryn salyp bergeni qýantady. Aýdan ortalyǵy turǵyndarynyń suranysyna saı keletin stadıondy jóndeı alǵanymyz qýantady. Aýyl aımaqty damytý, aýylda turý úshin qolaıly jaǵdaı jasaý jumystary jalǵasatyn bolady",- dedi óńir basshysy.
Qyzmettik saparynyń qorytyndysynda oblys ákimi Áıteke bı aýdanyn áleýmettik-ekonomıkalyq jaǵynan ári qaraı damytý boıynsha birqatar naqty tapsyrmalar berdi.
"Adyrna" ulttyq portaly.
