Senatorlar Ükımet basşysyna deputattyq saual joldap, nesie tölei almaityn azamattardyŋ mäselesıne qatysty bırneşe ūsynys jasady, dep habarlaidy "Adyrna" ūlttyq portaly "Sputnik Qazaqstanǧa" sılteme jasap.
Deputat Läzzat Süleimennıŋ aituynşa, Almatydaǧy tragediia osy saladaǧy problemanyŋ bar ekenın aşyq körsettı. Osyǧan bailanysty prezident Qasym-Jomart Toqaev bankterdıŋ kepılzat saiasaty, mülıktı baǧalau men jeke sot oryndauşylarynyŋ qyzmetı boiynşa naqty ūsynystardy engızudı tapsyrǧan bolatyn. Al kredit alǧan adamnyŋ kepılge qoiǧan mülkın auksion arqyly satu salasynda qūqyqtyq qaişylyqtar bar. Oǧan qosa, sybailas jemqorlyqtyŋ qaupı de joǧary bolyp tūr."Osy salaǧa baqylau jürgızetın ükımettık emes ūiymdardyŋ mälımetıne säikes, sauda-sattyq kezınde jalǧan tūlǧalar arqyly boryşkerdıŋ mülkı tömen baǧamen jiı satylyp jatady. Kei kezde bır adam bırneşe päterdı satyp alady", - dedı L.Süleimen senattyŋ jalpy otyrysynda.
Al ädılet ministrlıgınıŋ aqparaty boiynşa sot oryndauşylary 2016 jyldan berı auksion arqyly 1 406 jyljymaityn mülıktı satqan. 464 boryşker üilerın özderı satyp, aqşasyn qaryzdy jabuǧa salypty. Al 195 boryşkerdı üiden şyǧaryp jıbergen. Sonyŋ ışınde 74 prosentı jalǧyz baspanada tūrǧan.Bas prokuratura bolsa, elektrondy sauda-sattyqtyŋ qanşalyqty zaŋdy ötkızılgenın tekserıp şyqty. 2015-2018 jyldar aralyǧynda bankter auksionǧa şyǧarylǧan mülıktıŋ 78 prosentın satyp alǧan. Olarmen bäsekeles bolatyn eşkım qatyspady. Qatysqan künnıŋ özınde, köbınese, bank qyzmetkerlerı bolǧan. Al kepılge salynǧan mülıktıŋ baǧasy ortaşa eseppen 30 prosentke tömendetıldı. Jeke sot oryndauşylynyŋ üstınen aryzdanǧan adamdar da az emes.
"Osyǧan bailanysty azamattardyŋ konstitusiialyq qūqyqtaryn qorǧau üşın bırneşe ūsynysymyz bar. Bırınşıden, boryşker kelısımşart talaptaryn oryndai almasa, qarjylyq jaǧdaiy jaqsarǧanşa qaryzdy töleu merzımın şegerudıŋ yŋǧaily mümkındıgın beru mäselesın qarastyrǧan jön. Ekınşıden, kepılge salynǧan mülıktı baǧalau kezınde infliasiia deŋgeiın eskeru kerek. Üşınşıden, jalǧyz baspanadan şyǧarylatyn azamattardyŋ qūqyqtaryn qorǧau mäselesın retteu qajet. Törtınşıden, kepılge salynǧan mülıktı paidalanu qūqyǧyn saqtau men jaldamaly baspana berudı qarastyrǧan dūrys", - dep atap körsettı L.Süleimen.Būdan bölek, senatorlar bankterge kepılzatty satyp alu auksiondaryna qatysuǧa tyiym salu qajet dep sanaidy. Deputattyq saual premer-ministr Asqar Maminnıŋ atyna joldandy.
"Adyrna" ūlttyq portaly
