Senatorlar Úkimet basshysyna depýtattyq saýal joldap, nesıe tóleı almaıtyn azamattardyń máselesine qatysty birneshe usynys jasady, dep habarlaıdy "Adyrna" ulttyq portaly "Sputnik Qazaqstanǵa" silteme jasap.
Depýtat Lázzat Súleımenniń aıtýynsha, Almatydaǵy tragedııa osy saladaǵy problemanyń bar ekenin ashyq kórsetti. Osyǵan baılanysty prezıdent Qasym-Jomart Toqaev bankterdiń kepilzat saıasaty, múlikti baǵalaý men jeke sot oryndaýshylarynyń qyzmeti boıynsha naqty usynystardy engizýdi tapsyrǵan bolatyn. Al kredıt alǵan adamnyń kepilge qoıǵan múlkin aýkıon arqyly satý salasynda quqyqtyq qaıshylyqtar bar. Oǵan qosa, sybaılas jemqorlyqtyń qaýpi de joǵary bolyp tur.
"Osy salaǵa baqylaý júrgizetin úkimettik emes uıymdardyń málimetine sáıkes, saýda-sattyq kezinde jalǵan tulǵalar arqyly boryshkerdiń múlki tómen baǵamen jıi satylyp jatady. Keı kezde bir adam birneshe páterdi satyp alady", - dedi L.Súleımen senattyń jalpy otyrysynda.
Al ádilet mınıstrliginiń aqparaty boıynsha sot oryndaýshylary 2016 jyldan beri aýkıon arqyly 1 406 jyljymaıtyn múlikti satqan. 464 boryshker úılerin ózderi satyp, aqshasyn qaryzdy jabýǵa salypty. Al 195 boryshkerdi úıden shyǵaryp jibergen. Sonyń ishinde 74 proenti jalǵyz baspanada turǵan.
Bas prokýratýra bolsa, elektrondy saýda-sattyqtyń qanshalyqty zańdy ótkizilgenin tekserip shyqty. 2015-2018 jyldar aralyǵynda bankter aýkıonǵa shyǵarylǵan múliktiń 78 proentin satyp alǵan. Olarmen básekeles bolatyn eshkim qatyspady. Qatysqan kúnniń ózinde, kóbinese, bank qyzmetkerleri bolǵan. Al kepilge salynǵan múliktiń baǵasy ortasha eseppen 30 proentke tómendetildi. Jeke sot oryndaýshylynyń ústinen aryzdanǵan adamdar da az emes.
"Osyǵan baılanysty azamattardyń konstıtýııalyq quqyqtaryn qorǵaý úshin birneshe usynysymyz bar. Birinshiden, boryshker kelisimshart talaptaryn oryndaı almasa, qarjylyq jaǵdaıy jaqsarǵansha qaryzdy tóleý merzimin shegerýdiń yńǵaıly múmkindigin berý máselesin qarastyrǵan jón. Ekinshiden, kepilge salynǵan múlikti baǵalaý kezinde ınflıaııa deńgeıin eskerý kerek. Úshinshiden, jalǵyz baspanadan shyǵarylatyn azamattardyń quqyqtaryn qorǵaý máselesin retteý qajet. Tórtinshiden, kepilge salynǵan múlikti paıdalaný quqyǵyn saqtaý men jaldamaly baspana berýdi qarastyrǵan durys", - dep atap kórsetti L.Súleımen.
Budan bólek, senatorlar bankterge kepilzatty satyp alý aýkıondaryna qatysýǵa tyıym salý qajet dep sanaıdy. Depýtattyq saýal premer-mınıstr Asqar Mamınniń atyna joldandy.
"Adyrna" ulttyq portaly
