Aıajan Edilovanyń advokaty: Is shamamen 1 jyldaı qaralmaq

3795
Adyrna.kz Telegram

Almatyda asa qatygezdikpen óltirilgen Aıajan Edilovanyń ólimine qatysty basty sot otyrysy ótti. Proess jabyq esik jaǵdaıynda boldy, dep habarlaıdy «Adyrna» tilshisi «Astana» telearnasyna silteme jasap.

Qalalyq sottyń málimdeýinshe, atyshýly isti sýdıa Erkin Maıshynov qaraǵan.Otyrysta prokýrorlar aıyptaý aktisin oqyǵan, bir kýágerden jaýap alynǵan. Marqumnyń týysqan ápkesiniń pikiri tyńdalǵan. Jábirlenýshi taraptyń qorǵaýshysy sot proesine deıin aıyptalýshy jaqtan eshkim kelmedi deıdi. Kúdiktiniń ózi jábirlenýshi jaqtan keshirim de suramaǵanyn aıtady. Kináli qylmysy úshin ómir boıyna bas bostandyǵynan aıyrý qajet deıdi.

Qadyrjan ǴALYMJANULY, JÁBIRLENÝShI TARAPTYŃ QORǴAÝShYSY:

– Adam óltirgeni úshin maksımaldy jaza 20 jyl bolsa, adam zorlaǵany úshin 12 jyl. Bizdiń qylmystyq kodekste bir tártip bar. Eger barlyq qosylǵan qylmystyń jaýapkershilik sanattary 25 jyldan asatyn bolsa, oǵan ıá 25 jyl beriledi, ıá ómir baqı bas bostandyǵynan aırylady. Jeke basym ómir baqı suraımyn.

Qorǵaýshy Qadyrjan Ǵalymjanulynyń aıtýynsha, atyshýly is shamamen 1 jyldaı qaralady. Endigi sot otyrysy 3-shi jeltoqsanda ótedi.

Aıta keteıik, dúıim eldi dúr silkindirgen oqıǵa jarty jyl buryn bolǵan. 19 jastaǵy Aıajan keshki ýaqytta jumystan shyǵyp, úıine qaıta oralmaǵan. Araǵa eki kún salyp onyń bólshektelgen denesi Nurkent yqshamaýdanyndaǵy páterden tabylǵan. Kúdikti retinde Túrkistan oblysynyń 28 jastaǵy turǵyny ustalǵan bolatyn.

«Adyrna» ulttyq portaly

Pikirler