SpaceX kompanııasynyń jańa qýatty Falcon Heavy zymyran-tasyǵyshy 6 aqpanda ushyrylady. Sondaı-aq, Ilon Masktyń sporttyq kóliginiń de Marsqa ushyrylatyny belgili boldy, - dep habarlaıdy RIA Novostı.
Búginde eń jańa ári eń qýatty zymyran-tasyǵysh Astana ýaqyty boıynsha saǵat 0.30-da Florıda shtaty Kanaveral ǵarysh aılaǵynan ushyrylady. Meteorologtar zymyran ushyrý kezinde aýa raıynyń 80 paıyzǵa qolaıly bolatynyna ýáde beredi. Eske sala keteıik, jaqynda Ilon Mask Instagram jelisindegi paraqshasynda Kanaveral ǵarysh aılaǵynan ushyrylatyn zymyran-tasyǵysh kórsetilgen vıdeorolık jarııalaǵan bolatyn. Aıta keteıik, Falcon Heavy Falcon 9 bazasynda jasalady. Ol basqarylatyn Dragon V2 kemesine tasymaldaýshy bolady, onymen ǵaryshtyq týrıster aı orbıtasymen ushyp ótedi. Sonymen qatar, raketa Marsqa Masktyń jeke kóligi Tesla Roadster-di jiberedi. Tasymaldaýshy 63,8 tonna júkti jetkize alady, ony ushyrýdyń quny - 90-120 mıllıon dollar.
tengrinews.kz
