Táýelsizdik — teńdigim, egemendik — eldigim

3677
Adyrna.kz Telegram

Qazaqstan – táýelsiz el. Sol táýelsizdik jolynda elimiz basynan talaı náýbetti – azapty da, ashtyqty da, sum soǵysty da ótkerdi. «Ótkenimizdi umytsaq, bolashaq bizdi keshirmeıdi» degen uly babalarymyz.

Qazirgi tańda táýelsizdik – barshamyzǵa erekshe qasıetti kún. Birlik, yntymaqtastyq pen tatýlyq kúni. Elimizdiń táýelsizdigi halqymyzdyń baqyty, ǵasyrlar boıy ańsaǵan armany. Uly dalamyzdy naızanyń ushymen, bilektiń kúshimen qorǵap kelgen batyr, kóregen, dana babalarymyzdyń rýhyna taǵzym etý jáne tamyry tereńde jatqan tól tarıhymyzdan taǵylym alý úshin Qazaqstan Respýblıkasynyń 30 jyldyǵyna oraı QazUÝ-nyń «Pedagogıka jáne bilim bilim berý menedjmenti» kafedrasynyń doenti Roza Qasymovanyń jetekshiligimen «Qazaq fılologııasy» mamandyǵynyń 1-kýrs magıstranttary «Ulttyń uly baqyty – Táýelsizdik!» atty ZOOM platformasy arqyly onlaın túrde ashyq tárbıe saǵatyn ótkizdik. Atalmysh sharaǵa QazUAÝ-dyń «Kásiptik oqytý» kafedrasynyń professory Elmıra Amangeldiqyzy, «Qazaq tili men ádebıeti» mamandyǵynyń 1-kýrs magıstranttary men bakalavr stýdentteri qatysty.

Magıstranttarǵa táýelsizdik, bostandyq, erkindik uǵymdarynyń tarıhı mańyzyn túsindirýge, týǵan halqynyń tarıhyn qurmetteýge, otansúıgishtikke baýlı otyryp, patrıottyq rýhta tárbıeleý maqsatynda ótken is­-shara tarıhı oqıǵalar tizbesi men táýelsizdik alǵannan keıingi qol jetkizgen jetistikterdi bólisýmen jalǵasty.

Árbir tarıh kezeńi taqyrypqa saı beınebaıandarmen, fotosýrettermen, magıstranttardyń «Adaı», «Álqıssa» kúıleri men «Jeltoqsan jeli»,«Atameken» ánimen árlenip, ár túrli qysqa metrajdy rolıktermen kórkemdelip otyrdy. Sondaı-aq, ashyq sabaq barysynda men de ózimniń shyǵarmashylyǵymnan «Táýelsizdikke taǵzym!» atty arnaý óleńimdi oqydym.

Tarıhtan bilem,

Sanamda óshpeı keledi,

Babalarymnyń jasaǵan erlik, ereni

Qanshama jyldar, qanshama ýaqyt ótse de,

Máńgilik bizge asqaq rýhyn beredi.

 

Ulyqtamasaq urpaǵy bolar bizge syn,

Óshpes erligin umytyp qalaı ketersiń.

Elin shyn súıip, qan tókken asyl bozdaqtar,

Mártebelerińdi Jaratqan ózi kótersin.

 

Azattyq alyp, qaldyq qoı biraz jaılanyp,

Júreıik árkez bes qarýymyzdy saılanyp.

Tilegim meniń qut qonǵan myna elime

Kelmesin soǵys, kelmesin soǵys aınalyp.

 

Shúkirlik etem,

Etpesem sirá, uıat-ty,

Araıly aq tań,

Shýaǵyn shashyp jıi atty.

Táýelsiz, azat, máńgilik,

Aspany ashyq elime,

Babalarym da rıza bop jatqan sııaqty.

Shara sońynda jınalǵan qaýym tarıhymyzǵa degen qyzyǵýshylyǵy men súıispenshiligi arta túskenin jetkizip, ónerpazdarymyz ben magıstranttarǵa qyzý qoldaý bildirdi.

 

Ásem MAMEJANOVA,

fılologııa fakýltetiniń "qazaq fılologııasy" 

mamandyǵynyń 1-kýrs magıstranty.

 

Pikirler