Elimizdiń Tuńǵysh Prezıdenti Nursultan Nazarbaev jasaǵan aqsha operaııalary zań negizinde baqylanyp otyratyn tulǵalar tiziminde bolýy kerek. Senator Murat Baqtııaruly jańa zań jobasyna qatysty osylaı jaýap berdi, dep habarlaıdy "Adyrna" ulttyq portaly "malim.kz-ke "silteme jasap.
Keshe Senat “Qylmystyq jolmen jáne terrorızmdi qarjylandyrý arqyly keletin tabysty zańdastyrýmen (izin jasyrý) qarsy kúres suraqtary boıynsha Qazaqstan Respýblıkasynyń keıbir zańnamalyq aktilerin ózgertý men tolyqtyrýlar engizý týraly” zań qabyldap, qujat qol qoıý úshin Prezıdentke jiberildi.
Senattyń plenarlyq otyrysynda Olga Perepechına bul qujattyń zańsyz tabystyń izin jasyrý áreketterin azaıtý men osy áreketke qarsy júıeniń tıimdiligin arttyrýǵa baǵyttalǵanyn aıtty.
– Qazaqstan Respýblıkasynyń jarııa laýazymdy azamattary jasaǵan aqsha jáne ózge de múlik operaııalaryn zań negizinde baqylaý ornatý úshin kezeń-kezeńimen “Jarııa laýazymdy tulǵa” túsinigin qalyptastyryp, jarııa laýazymdy azamattar ınstıtýtyn qurý usynylady. Bul azamattar tizimin prezıdent bekitip, qarjylyq monıtorıng agenttigi jarııa laýazymdy tulǵalar men olardyń joldastary, jaqyn týystarynyń tizimin júrgizedi. Monıtorıngtiń bul túri jemqorlyqqa qarsy kúres úshin de paıdaly bolmaq”, - dedi Perepechına palata otyrysynda.
BAQ ókilderiniń jarııa laýazymdy tulǵalar tizimi qalaı jasalyp, tizimge kimder kiretinine qatysty suraǵyna senat depýtaty Murat Baqtııaruly jarııa laýazymdy azamattardyń bári tizimde bolady dep jaýap berdi. Onyń sózinshe, bul tizimde depýtattar, úkimet músheleri men ákimder men qatar Elbasy da mindetti túrde bolýy kerek eken.
Jýrnalıstiń “Bul tizimdi nelikten depýtattar emes, Prezıdent bekitýi kerek?” — degen suraǵyna Baqtııaruly zań jobasyn jasaýshy - májilis depýtattaryna júginýdi usyndy.
Eger Prezıdent Qasym-Jomart Toqaev jańa zań jobasyna esh ózgerissiz qol qoıatyn bolsa, jarııa laýazymdy tulǵalar tizimine eks-prezıdenttiń kirip-kirmeýin de ózi sheshýi kerek bolady.
"Adyrna" ulttyq portaly
