Mäulen Äşımbaev Prezident Qasym-Jomart Toqaevtyŋ atynan pontifikke Älemdık jäne dästürlı dınder köşbasşylarynyŋ VII sezıne qatysuǧa şaqyrudy tabys ettı, dep habarlaidy "Adyrna" ūlttyq portaly Senattyŋ baspasöz qyzmetıne sılteme jasap.
Vatikanǧa sapary barysynda Qazaqstan Parlamentı Senatynyŋ Töraǧasy Mäulen Äşımbaev Rim Papasy Fransiskpen kezdestı. Ol 2003 jyly Nūrsūltan Nazarbaev Älemdık jäne dästürlı dınder liderlerınıŋ sezın şaqyru turaly bastama kötergenın aitty. Öz kezegınde Qazaqstan Prezidentı Qasym-Jomart Toqaev kongress hatşylyǧynyŋ meŋgeruşısı retınde būl tūǧyrnamany nasihattauǧa üles qosty.M.Äşımbaev Vatikanǧa elımızdıŋ būl bastamasyn qoldaǧany üşın alǧysyn bıldırdı. – 18 jyl ışınde qazaqstandyq dınaralyq forum ökıldı dialog alaŋyna ainaldy. Osy mümkındıktı paidalana otyryp, Qazaqstannyŋ bastamasyn qoldaǧany üşın Qasiettı Taq iesıne alǧysymdy bıldırgım keledı. Katolik şırkeuınıŋ joǧary lauazymdy ökılderı Älemdık jäne dästürlı dınder köşbasşylarynyŋ barlyq alty sezıne belsendı qatysty, — dep atap öttı Senat Töraǧasy.
Sezde älemdık jäne dästürlı dınder köşbasşylarynyŋ pandemiiadan keiıngı kezeŋdegı adamzattyŋ äleumettık jäne ruhani damuyndaǧy rölın talqylau josparlanuda.– Pandemiia adamzattyŋ köptegen sozylmaly mäselelerın – kedeişılıktı, teŋsızdıktı, köptegen elderdegı densaulyq saqtau jüiesınıŋ aianyşty jaǧdaiyn, adamdardyŋ bılım deŋgeiınıŋ tömendıgın, ekologiialyq jäne basqa da problemalardy uşyqtyrdy. Sonymen qatar, pandemiiadan keiıngı kezeŋde tūtynuşylyq sala qaita qaralyp, ruhani-adamgerşılık qūndylyqtar bırınşı orynǧa şyǧuy tiıs ekenı anyq, – dedı Mäulen Äşımbaev.
Rim Papasy Fransisk Qasym-Jomart Toqaevqa kelesı qyrküiekte Qazaqstanda ötetın Älemdık jäne dästürlı dınder liderlerınıŋ VII sezıne şaqyrǧany üşın alǧys aitty.Kezdesude sonymen qatar halyqaralyq kün tärtıbındegı negızgı mäseleler, atap aitqanda Auǧanstandaǧy jaǧdai, jahandyq klimattyŋ özgeruı jäne t.b. söz boldy. Sol künı Mäulen Äşımbaev Vatikannyŋ Memlekettık hatşysy Petro Parolinmen kezdestı. Kezdesu barysynda qos tarap Qazaqstan men Vatikan arasyndaǧy yntymaqtastyq mäselelerdı talqylady. Sondai-aq Papanyŋ Konfessiiaaralyq dialog jönındegı keŋesınıŋ prezidentı kardinal Migel Anhel Aiuso Giksotpen kezdesu ötkızıldı.
"Adyrna" ūlttyq portaly
Ūqsas jaŋalyqtar
