Belgradtaǵy Álem chempıonatynda altyn-kúmis alyp jatqan boksshylardyń jetistigi úshin osy eldiń ekinshi, úshinshi adamynan bastap, bokstan habarymyz az bolsa da ultshylmyz degen qaýym jappaı qýanyp, bir-birimizdi quttyqtap, ulttyq namysymyz oıanyp, jelbirshegimiz jelpildep, etegimiz elpildep, oı bir qoıqılanyp qaldyq-aý.
Osynyń maǵynasyz, mánsiz altyn-kúmis ekenin bilemiz, biraq el qatarly qýanaıyq deımiz.
Keshe bir aǵam: "men úlken uldy boksqa bersem dep júrýshi edim, biraq bergem joq, búgin soǵan qýandym" dedi. Meniń "nege?" degen jaýabymdy kútpesten "Osy jolǵy Álem chempıonatyn qarap otyrsam, boks kóbine-kóp bosqyn, kirme nemese bir alpaýyt eldiń emıgrantary júretin jer eken kózi-basy kók-ala bolyp. Damyǵan elder basyn toqpaqtatyp jatpaıdy, júzý, tennıs, gımnastıka sekildi sportpen shuǵyldanady nemese energııachyn óner-bilimge salady eken" deıdi...
Jaraıdy, ony qoıshy.
Juma kúngi jaǵdaı. Jan túrshikti. Baýyr eti balasyn joqtap shyryldaǵan áke. Adam joǵaltyp, ony izdeýdi bastan keshtik. Biraq bala degen bárinen aýyr ǵoı. Súıegi tabylypy. Bar jaýap: "jumbaq jaǵdaı". Sheshimi, kesimi joq. Budan keıin de eshteńe bolmaıdy. Endi Aqnazar Qajymurat ta joq. "Aqnazar, keshir bizdi, biz sondaı "boksqumar" jurtpyz" degiń keledi. Aqnazar talaı altyndy arqalap kelgende qaısymyz qýanyp edik? Endi qaıǵyra da almaımyz. Óıtkeni bizde kóbi jumbaq.
Baqytbek QADYR,
"Adyrna" ulttyq portaly.
