Shymkentte oq atýdan 14-shi Azııa chempıonaty aıaqtaldy. Qurlyq birinshiliginiń qorytyndysy boıynsha Qazaqstan quramasy 12 altyn medal jeńip aldy. Jalpykomandalyq esepte 12 altyn, 12 kúmis jáne 12 qola medalmen otandyq sportshylar kósh bastap keledi.
Ekinshi oryndy 5 altyn, 8 kúmis, 4 qola medal jeńip alǵan Ózbekstan quramasy, úshinshi oryndy 5 altyn, 3 kúmis alǵan Indonezııa quramasy ıelendi.
Táýelsizdiktiń 30 jyldyǵy qarsańynda ótken Azııa chempıonatyna qurlyqtyń 10 elinen barlyǵy 176 sportshy qatysty.
Pnevmatıkalyq vıntovkadan atýdan komandalyq jarysta da Iýrıı Iýrkov, Islam Ýseınov jáne Alekseı Kleımenov jeńiske jetti. Aralas komandalyq saıysta Irına Loktıonova men Eldar Imanqulov kúmiske qol jetkizdi.
Azııa chempıonatynyń úzdik mergenderi Islam Úseınov (jeke, komandalyq, Qazaqstan Respýblıkasynyń rekordy), Eldar Imanqulov (jeke jáne komandalyq), Zýhra Irnazarova (jeke), Nıkıta Shahtorın (jeke jáne komandalyq, jasóspirimder arasyndaǵy ulttyq rekord) boldy. Iýrıı Iýrkov nátıje kórsetti.
