Sońǵy aptada Stopfake.kz portalynyń qaralymy 66 myńnan asty. Elordada ótip jatqan qazaqtildi kontent jasaýshylardyń dástúrli forýmynda «ınfodemııa» máselesin qozǵaǵan QR Aqparat jáne qoǵamdyq damý mınıstri Aıda Balaeva osyndaı málimet aıtty, habarlaıdy «Adyrna» tilshisi QazAqparatqa silteme jasap.
«Búgingi ǵalamdyq ıfrlandyrý zamanynda ınternet álemdik dástúrli medıanyń ózgerýine zor yqpal etip jatqany belgili. Bul ásirese, byltyr oryn alǵan pandemııa kezinde aıqyn bilindi. Túrli áleýmettik jeliler, «WhatsApp», «Telegram-arnalar», «YouTube» pen «Tik-Tok» qosymshalardan taraǵan jalǵan aqparattardan qoǵamda «ınfodemııa» máselesi ózekti taqyrypqa aınaldy. Sondyqtan biz der kezinde sheshim qabyldap, Stopfake.kz portalyn iske qostyq.
Qazaq jáne orys tilderinde habar taratatyn saıt búginge deıin qoǵamdy ábigerge salǵan 2 myńǵa jýyq feık aqparatty joqqa shyǵardy. Sońǵy aptadaǵy saıttyń qaralymy 66 myńnan asady. Bul oraıda, búgingi jýrnalıster «faktchekıng» talabyn únemi este ustaýy qajet», -dedi vedomstvo basshysy.
Onyń paıymynsha, ınternet saıttardyń mindeti tek aqparat berý emes. Internet – jalpy qoǵamdyq pikir qalyptastyratyn yqpaldy qural.
«Buqaralyq aqparat quraldaryndaǵy ónim sapasyna qatysty kókeıtesti máseleler birinshi kezekte tilshiler qaýymynyń – jýrnalıstiń bilim-biligine baılanysty ekeni túsinikti.
Bul búginde elimizdegi qazaq jáne orystildi medıaǵa ortaq talap. Bul oraıda, bizdiń mınıstrlik tilshilerdiń bilimin kóterip, ásirese salalyq jýrnalıstıkanyń damýyna arnalǵan keshendi jumystardy qolǵa aldy. Búginge deıin medıına, din, ekologııa salalary boıynsha 4 myńnan astam jýrnalıst arnaıy oqytý kýrstarynan ótti. Bul baǵyttaǵy jumystar aldaǵy ýaqytta júıeli jalǵasatyn bolady», – dedi mınıstr.
«Adyrna» ulttyq portaly
