Meta (būrynǧy – Facebook) kompaniiasynyŋ Qytai, Ortalyq Aziia jäne Moŋǧoliiadaǧy jūrtşylyqpen bailanys jönındegı öŋırlık direktory Djordj Chen Qazaqstannyŋ Ortalyq Aziiada CRS kompaniiasynyŋ ışkı jüiesıne qol jetkızgen alǧaşqy el bolǧanyn mälım ettı, dep habarlaidy «Adyrna» tılşısı QazAqparat-qa sılteme jasap.
«Meta-nyŋ bükıl älem ükımetterı jergılıktı zaŋnamany būzatyn kontent turaly habarlai alatyn arnaiy onlain-arnasy (Content Reporting System, CRS), bar. Qazaqstan sol CRS jüiesınıŋ bır bölıgıne ainaldy», - dep jazdy Djorjd Chen Facebook-tegı resmi paraqşasynda.Būǧan deiın «QazAqparat» HAA Qazaqstannyŋ Aqparat jäne qoǧamdyq damu ministrlıgı men Facebook internettegı Balalardyŋ qūqyqtaryn qorǧau üşın ziiandy kontentke qarsy ıs-qimyl mäselelerı boiynşa tyǧyz yntymaqtastyq ornatuǧa uaǧdalasqanyn habarlaǧan bolatyn. Qazaqstan Ükımetıne Facebook tarapynan qauıpsızdıktı jäne aqparattyq keŋıstıktı arttyru mäselesın şeşuge kömek körsetu üşın ışkı «kontent turaly habarlama jüiesıne (Content Reporting System (CRS) tıkelei kıretın mümkındık berıldı. Sonyŋ arqasynda aqparat salasyna jauapty ministrlık Facebook-ke jahandyq saiasattyŋ da, Qazaqstan Respublikasynyŋ ūlttyq zaŋnamasynyŋ da būzuşylyqtary bar kontent turaly jedel habarlauǧa mümkındık beredı. 28 qazanda Facebook komandasy ministrlıktıŋ mamandaryna «kontent turaly habarlama jüiesımen» jūmys ısteu, sondai-aq Facebook-tıŋ kontent saiasaty jäne qoǧamdastyq standarttary boiynşa trening ötkızdı. Qaraşa aiynyŋ basynan bastap ministrlık atalmyş jüiede jūmys ıstei bastaidy. Ekı tarap ta özara ıs-qimyldyŋ tūraqty tetıgın, onyŋ ışınde ministrlıkpen türlı aspektıler boiynşa tyǧyz jūmys ısteitın Facebook öŋırlık ofisınen uäkılettı ökıldı anyqtaudy közdeitın tūraqty tetıgın belgıleu turaly kelısımge keldı. «Kontent turaly habarlama jüiesı (CRS) degenımız – «Meta» kompaniiasynyŋ «Facebook» jäne «Instagram» platformalaryndaǧy jahandyq kontent saiasatyn da, jüiege rūqsaty bar memleketterdıŋ ūlttyq zaŋnama talaptaryn da būzatyn kontent turaly habarlama jıberuge paidalanylatyn ışkı aqparattyq jüiesı. CRS jüiesı älem memleketterınıŋ, būdan bylai Qazaqstan Respublikasynyŋ da uäkılettı organdary üşın «Meta» («Facebook») kompaniiasynyŋ kontenttık saiasatqa jauap beretın halyqaralyq komandasymen tıkelei bailanys arnasyn ūsynady. CRS qoldanu ziiandy kontenttı joiu boiynşa qabyldanyp jatqan şaralardyŋ jedeldıgın jäne jalpy «Facebook» pen «Instagram» platformalarynda zaŋnamaǧa qaişy keletın materialdardyŋ taraluyna qarsy ıs-qimyl boiynşa jürgızılıp jatqan jūmystyŋ tiımdılıgın arttyruǧa mümkındık beredı.
«Adyrna» ūlttyq portaly
