QR Aqparat jäne qoǧamdyq damu ministrlıgı Facebook kompaniiasymen ortaq kelısımge keldı, dep habarlaidy "Adyrna" ūlttyq portaly vedomstvo saityna saityna sılteme jasap.
Osylaişa Qazaqstan Ortalyq Aziiada kontenttık saiasatqa jauap beretın Facebook kompaniiasynyŋ halyqaralyq komandasymen tıkelei bailanys arnasyna jäne jüiege qosylǧan alǧaşqy el bolyp tabyldy.
- Facebook Qazaqstan Ükımetımen, äsırese balalardyŋ internettegı qauıpsızdıgın qamtamasyz etu baǧytynda bırlesken jūmysqa ūmtylady. Bızdıŋ ūzaq merzımdı yntymaqtastyǧymyzdyŋ alǧaşqy qadamy retınde bız Qazaqstan Ükımetıne uäkılettı organdarǧa ziiandy kontentpen neǧūrlym tiımdı jäne pärmendı küresuge kömektesetın "Kontenttı habarlau jüiesıne" qol jetkızuge quanyştymyz. Facebook komandasy kiberkeŋıstıktıŋ qauıpsızdıgın qamtamasyz etu maqsatynda qazaqstandyq mamandardy oqytudy jalǧastyrady, - dedı Facebook kompaniiasynyŋ jūrtşylyqpen bailanys jönındegı öŋırlık direktory Djordj Chen.28 qazanda Facebook komandasy Ministrlıktıŋ mamandaryna "Kontenttı habarlau jüiesın", sondai-aq Facebook kontenttık saiasaty jäne qoǧamdastyq standarttary boiynşa jūmys boiynşa trening ötkızdı. Qaraşa aiynyŋ basynan bastap Ministrlık jüiede jūmys ıstei bastaidy. Ekı tarap özara ıs-qimyldyŋ tūraqty tetıgın belgıleuge, onyŋ ışınde Ministrlıkpen türlı aspektıler boiynşa tyǧyz jūmys ısteitın Facebook öŋırlık ofisınen uäkılettı ökıldı anyqtau turaly kelısımge keldı.
- "Kontent habarlama jüiesın" paidalanu Facebook jäne Instagram platformalarynda qūqyqqa qarsy kontenttıŋ taraluyna qarsy ıs-qimyl boiynşa jürgızılıp jatqan jūmystyŋ jedeldıgın jäne jalpy tiımdılıgın arttyruǧa mümkındık beredı. Osy mümkındıktı paidalana otyryp, qauıpsız aqparattyq keŋıstıktı qūru baǧytynda jürgızılıp jatqan baǧytty ūstanatynyn jäne Qazaqstan halqyna öz qyzmetterın ūsynatyn internet-kompaniialarmen syndarly dialog qūruǧa jäne yntymaqtastyq ornatuǧa daiyn, - dep qorytyndylady Ministrlık.
"Adyrna" ūlttyq portaly
