Reseı Syrtqy ister mınıstrliginiń baspasóz hatshysy Marııa Zaharova Reseı men AQSh arasyndaǵy dıplomatııalyq daǵdarys máselesine toqtaldy. Onyń sózinshe eki el arasyndaǵy shıelenis jalǵasýda jáne AQSh aldaǵy aılarda Reseıdiń 55 azamatyn elden shyǵarmaq.
"Reseıde shamamen 130 amerıkandyq jumys isteıdi, al Vashıngton men Nıý-Iork, Hıýston elshilikterinde 200den az reseılik qyzmet etýde. Vashıngton aldaǵy ýaqytta dıplomatııalyq qyzmette isteıtin 55 adamymyzdy elden ketirmek, demek jaǵdaı shıelenise túsedi", — dedi Zaharova. AQSh pen Reseı arasynda dıplomattardy shyǵarý 2018 jyly bastalyp, AQSh 60 reseılik dıplomatty Reseıge qaıtarǵan bolatyn.
Sarapshylar jaǵdaı kúrdelene túsip, AQSh BUU-daǵy Reseı azamattaryn elge qaıtarýy múmkin degen oıda. Óıtkeni BUU bas shtaby AQSh-ta ornalasqan.
"Adyrna" ulttyq portaly
