Qazaqstandyq zańger-stýdentter oıyn túrinde ótken halyqaralyq sot proesinde jeńiske jetti. Baıqaý jyl saıyn «Astana» halyqaralyq qarjy ortalyǵy men Halyqaralyq tórelik ortalyǵynyń uıymdastyrýymen ótedi.
Stýdentter arasyndaǵy AIFC Court and IAC Annual Moot zańgerlik jarysy Qazaqstanda bıyl tórtinshi ret ótti. Baıqaýdyń koronavırýs pandemııasyna baılanysty onlaın formatta ótýi ózge elderdiń bilim alýshylaryna da qatysýǵa múmkindik berdi. Bıyl komandalar sany erekshe kóp, Qazaqstan, Qyzǵyz Respýblıkasy, Reseıdiń de ýnıversıtetterinen stýdenttik toptar qatysty.
Cot otyrysy formatyndaǵy saıys jalpy (aǵylshyn) quqyq sotynda AHQO sotynyń qazirgi sýdıalary-lordtardyń tóraǵalyǵymen tolyǵymen aǵylshyn tilinde ótti. Atalǵan jarysta zańger-stýdentter praktıkalyq máseleni jalpy quqyq turǵysynan zertteıdi, jazbasha jáne aýyzsha argýmentter daıyndaıdy, sot isin júrgizý daǵdylaryn jetildiredi.
2021 jylǵy baıqaýdyń irikteý kezeńiniń nátıjesi boıynsha fınalǵa Qazaqstan (M.S. Nárikbaev atyndaǵy KAZGIýÝ Ýnıversıteti) jáne Reseı (Oral memlekettik zań ýnıversıteti) ókilderi shyqty. Birinshi oryndy KAZGIýÝ komandasynyń stýdentteri ıelendi.
«Irikteý kezeńinde komandamyz Kaspıı ýnıversıtetin (Qazaqstan) jeńdi. Baıqaýǵa sondaı-aq Ortalyq Azııadaǵy Amerıka ýnıversıteti (Qyrǵyzstan), Narhoz ýnıversıteti (Qazaqstan), L.N. Gýmılev atyndaǵy Eýrazııa Ultyq ýnıversıteti (Qazaqstan), Halyqaralyq «Ala-Too» ýnıversıteti (Qyrǵyzstan), KIMEP ýnıversıteti (Qazaqstan) de qatysty. Stýdentterimizdi maqtanysh etemin! Bul – oqytýshylardyń, Joǵary quqyq mektebi ujymynyń qarqyndy jumysynyń nátıjesi», - dep jazdy KAZGIýÝ Ýnıversıtetiniń rektory Sergeı Pen Facebook-tegi paraqshasynda.
«Adyrna» ulttyq portaly
