Reseı musylmandary boıkot jarııalady: Jaınamaz ben qurbandyqty keleke etti (VIDEO)

3311

Reseı musylmandary "Anamnyń pıngvınderi" telehıkaıasyndaǵy jaınamaz ben qurbandyq shalýǵa qatysty dinı joralǵylardy keleke etkeni úshin MTS uıaly baılanys operatoryna boıkot jarııalady. Bul týraly vıdeolar men jazbalardy ártúrli messendjerler men áleýmettik jelilerden, sondaı-aq YouTube jelisinen tabýǵa bolady.

Rejısser Borıs Hlebnıkovtyń uly Makar somdaǵan fılmniń basty keıipkeri stend-shoýda óner kórsetip, ıslam dinine qatysty ázil aıtqan. Serııany rejısser Natalıa Meanınova túsirgen MTS onlaın kınoteatrynda kórýge bolady. Stend-ap ázilderiniń avtory Evgenıı Sıdorov.

"Evgenıı Sıdorov kúlki arqyly osy mazaq keńistigine basqa adamdardy tarta otyryp, Islamdy kópshilik aldynda mazaq etedi, al aýdıtorııadaǵylar kúledi, bul olardy qyzyqtyrady. Men musylmandar MTS kompanııasyna qarsy bolýy úshin fleshmob bastadym", - deıdi The Muslim YouTube arnasynyń avtory.

Buǵan deıin osetın jurtshylyǵy ázilkesh Arıana Lolaevadan osetın bálishteri týraly ázilderi úshin keshirim suratqan bolatyn.

"Adyrna" ulttyq portaly

 

Pikirler
Redakııa tańdaýy