Búgin Atyraýda QR Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti men oblystyq bilim basqarmasynyń uıymdastyrýymen "Adal Urpaq" erikti mektep klýbtarynyń oblystyq sleti ótti
Sletke oblystyń bilim berý uıymdarynyń basshylary jáne oblystyń barlyq aýdandarynan "Adal Urpaq" eriktiler klýbtarynyń 60-tan astam músheleri qatysty.
Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary A.Mamyt is-shara jastardyń boıynda gýmanızm men ulttyq qundylyqtar negizinde sybaılas jemqorlyqqa qarsy mádenıetti qalyptastyrý maqsatynda uıymdastyrylǵanyn atap ótti.
"Bizdiń mindetimiz - jas urpaqty jastaıynan patrıottyq rýhta tárbıeleý, onda eńbeksúıgishtik pen bilimge degen qushtarlyqty, adaldyqty tárbıeleý. Bul qasıetter ejelden halqymyzǵa tán. Sondyqtan barlyq ata-analar, barlyq muǵalimder balalarǵa laıyqty úlgi bolyp, olarǵa eń jaqsy qasıetterdi alýǵa kómektesýi kerek", - dedi A.Mamyt.
