Din salasyndaǵy zań jobasy tanystyryldy

3033
Adyrna.kz Telegram

Májiliste «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótip, onda Din isteri jáne azamattyq qoǵam mınıstri Nurlan Ermekbaev zań jobasynyń negizgi erejelerin keńinen túsindirdi.

Májilis depýtattary men memlekettik organdardyń basshylary, dinı jáne qoǵamdyq uıymdardyń ókilderi, sarapshylar qaýymy qatysqan jıyndy ashqan Májilistiń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev Memleket basshysy Nursultan Nazarbaevtyń 2017 jylǵy 4 qyrkúıektegi VI shaqy­ry­lymdaǵy Qazaqstan Respýblı­kasy Parlamentiniń úshinshi sessııa­synyń ashylýyndaǵy tapsyrmasyn oryndaý maqsatynda ázirlen­gen zań jobasynyń jáne dinı qyz­met salasyndaǵy qoǵamdyq qatynas­tardy jetildirýge baǵyttalǵan zańnamanyń ózektiligin atap ótti.

Al tanystyrylymda baıandama jasaǵan N.Ermekbaev zań jobasyn ázirleýdiń negizgi maqsaty memlekettik-dinı qatynastardy jetildirý, dinı qyzmet sýbek­tileriniń quqyqtary men mindet­terin aıqyndaý, sondaı-aq din salasyn retteý bolyp tabylatynyna toq­taldy. Sondyqtan da zań jobasy aıasynda 12 normatıvtik zańnama­lyq aktige 53 ózgeris pen tolyq­tyrý engizý kózdelgen.

«Zań joba­synyń eń mańyzdy normalary dindi destrýktıvti maqsattar­da paıdalanýdyń kez kelgen múmkin­dikterin boldyrmaýǵa, memlekettik organdardyń quzyrettiligin keńeıtýge jáne dinı birlestikterdiń qyzmetin jeńildetýge baǵyttalǵan», dedi N.Ermekbaev.

Zań jobasynda qoǵamdyq oryndarda adamnyń bet-beınesin tumshalaıtyn kıim túrlerin kııýge, destrýktıvti dinı aǵymdarǵa jatatyn kıim túrlerin jáne syrtqy atrıbýttardy qoldanýǵa tyıym salýdy kózdeıtin birqatar normalar da bar. Sonymen qatar atalǵan zańnamaǵa «destrýktıvti dinı aǵym» jáne «dinı radıkalızm» uǵymdarynyń anyqtamasy engiziledi.

Sondaı-aq Din isteri jáne aza­mattyq qoǵam mınıstri endigi jerde elimizde eń bolmaǵanda bazalyq dinı bilim almaǵan azamattardyń shetelge baryp dinı oqýǵa túsýine shekteý engizý kózdelip otyrǵanyn da atap ótti.

N.Ermekbaevtyń bul sózin naq­ty­laı túsken QMDB tóraǵasy, Bas múftı Serikbaı qajy Oraz mun­daı talap shetelde dinı bilim alýdy quqyqtyq retteý retinde baǵala­nýy tıis degen oıyn bildirdi.

«Biz úshin mańyzdy máselelerdiń biri – dinı bilimdi berýdi jáne dinı ýaǵyz-nasıhatty mindetti túrde dinı birlestiktiń quqyǵy bar azamattar, ıaǵnı bilikti mamandar ǵana júrgizýi qajet degen ustanymdy qoldaımyz. Ol asa mańyzdy. Óıtkeni elimizde zańnamalardy negizge ala otyryp, jumys isteıtin 2600-den astam meshit, sondaı-aq ondaǵan bilim beretin oqý oryndary bar», dedi ol.

Onyń sózine qaraǵanda, dinı bilim­di jetik meńgermegen adamdardyń óz kózqarasyn aıtyp, nasıhat júr­gizip nemese teris aǵym músheleri­niń keıbir páterlerde top quryp, sol jerlerde dáris ótkizýine qa­tysty osy zań jobasynda tıisti she­shim qarastyrylǵan.

Jalpy, zań jobasyn ázirleýshi ma­mandardyń pikirine súıensek, mun­da memlekettik qyzmetshilerdiń jáne bıýdjettik uıym qyzmetkerleriniń de dinge qatysty is-áreketin retteýge baǵyttalǵan birqatar túze­tý­ler usynylǵan. Sol sııaqty dinı birlestikterdiń qarjylyq qyzme­ti­niń ashyqtyǵyn qamtamasyz ete­tin arnaıy normalarmen de tolyq­ty­rylǵan. Sonymen qatar buqaralyq aqparat quraldary arqyly dinı ilimdi taratýdy zańnamalyq negizde retteý tártibi tııanaqtalǵan.


Nurlybek DOSYBAI

«Egemen Qazaqstan»


 

Pikirler