Memleket basshysy buqaralyq sportty damytýdy jáne sportty barshaǵa qoljetimdi etýdi aıtqan bolatyn. Osy baǵyttaǵy jumystarmen qala ákimi Murat Áıtenovti búgin Eńbekshi aýdanynyń ákimi D.Esilbek tanystyrdy.
Atalǵan aýdanda jalpy 2021 jylǵa deıin 85 ashyq sport alańshalary ornatylǵan. Nur Otan partııasynyń 2025 jylǵa deıingi «Ózgerister joly: ár azamatqa laıyqty ómir!» atty saılaýaldy baǵdarlamasy aıasynda jáne qala ákiminiń tapsyrmasyna sáıkes osy jyly aýdanda 15 ashyq sport, trenajer, vorkaýt alańshalary ornatý josparlanǵan.
Qazirgi tańda Qarabastaý turǵyn alabynda demeýshi esebinen 1 ashyq sport alańshasy ornatylyp, turǵyndardyń ıgiligine tapsyrylǵan. Joba quny 13,5 mln. teńgeni quraıdy. Sonymen qatar 14 sport alańshasyn ornatý boıynsha memlekettik satyp alý is-sharasy júrgizilýde.
Aýdan ákiminiń aıtýynsha, 2011-2014 jyldar aralyǵynda ornatylǵan qoldanystaǵy ashyq sport alańshalyrynyń 21-niń tozýyna baılanysty, kelesi jyly qaıta qurý josparda bar. Odan bólek, shalǵaı aýmaqtardan 10 sport alańshasyn jańadan qurý josparlanýda.
