Búgin Aqtóbede aqyn Tólegen Aıbergenov pen kompozıtor Shámshi Qaldaıaqovqa arnalǵan eskertkishterdiń ashylý saltanaty ótti.
Sharaǵa oblys ákimi Ońdasyn Orazalın, Shámshi Qaldaıaqovtyń apasy - Raıhan Dombaeva, aqyn Tólegen Aıbergenovtiń qyzy - Mahabbat Aıbergenova, aqyn-jazýshylar, t.b. qatysty.
"Qadirli el aǵalary, baýyrlar! Biz búgingi kúni «Altyn besik - Aqtóbeniń» tórinde oryn alǵan tarıhı sáttiń kýágeri bolyp otyrmyz. Kúni keshegimiz búgin tarıhqqa aınalsa, búgingimiz erteńgi tarıh bolmaq. Qazaq dalasy daryndy tulǵalalardan kende emes. Qaı-qaısysynyń da tarıh tórinen oıyp alar ózindik orny bar. Bólip –jaratyn eshteme joq. Degenmen sol talanttar shoǵyrynyń ishinde Tólegen Aıbergenov pen Shámshi Qaldaıaqovtyń oryndary erekshe",- dedi Ońdasyn Orazalın quttyqtaý sózinde.
Eskertkishter qala ortalyǵynda – aǵaıyndy Jubanovtar kóshesi boıyndaǵy Ǵashyqtar alleıasynda ornalasqan. Tólegen Aıbergenov eskertkishiniń bıiktigi - 3,2 metr. Shámshi Qaldaıaqovtyń eskertkishi kompozıtordyń qolyna mýzykalyq aspapty alǵan kúıi otyrǵyshta otyrǵanyn beınelegen.
"Adyrna" ulttyq portaly.
