Psiholog Serıkgül Säli qazaq qyzdarynyŋ ömırlık jary retınde nege şeteldık jıgıtterdı taŋdap jatqanyn aitty. Mamannyŋ pıkırınşe, būǧan qazaq jıgıtterınıŋ «ömırge közqarasynyŋ eskılıgı» türtkı bolyp otyr, dep habarlaidy “Adyrna” ūlttyq portaly Express Qazaqstan saityna sılteme jasap.
Serıkgül Sälidıŋ aituynşa, qazaq jıgıtterı qazaq qyzdarynyŋ boiyndaǧy adamgerşılık, ūiaŋdyq, ar-ūiat, näzıktık sekıldı ǧajaiyp qasietterın dūrys baǧalai almai jür. Būl qasietter basqa elderdıŋ äielderınde joiylyp bara jatyr. Sondyqtan özge el azamattarynyŋ qazaq qyzdaryna jiı aŋsary auady eken.
Öz basym, qyzdardyŋ basqa ūltqa şyǧuyna qarsy emespın. Öitkenı qazaq jıgıtterınıŋ ömırge közqarastary öte eskırgen. Äielderdı özınen tömen sanaidy. Teŋdık bermeidı. Belgılı bır şeŋberge syidyrǧysy keledı,
— deidı psiholog.
Al qazaq äielderı ol şeŋberden şyqqysy keledı. Dene bıtımı tūrǧysynan emes, metafizika, ömırge közqarasy jaǧynan er adammen teŋ ekenın sezınedı.
Sondyqtan qazaq jıgıtterınıŋ közqarasyna kelıspeidı. Sol şeŋberdıŋ ışınde ömır sürıp jatqan äielder älı de köp,
—deidı Serıkgül Säli.
Mamannyŋ aituynşa, özge ūltqa tūrmysqa şyqqan äielder men özge ūlttyŋ qyzyna üilegen jıgıtterde bıraz aiyrmaşylyq bar. Jıgıtterge qaraǧanda, qyzdar ūlttyq mentalitettı berık ūstaidy eken. Basqa ūltqa bala tuyp berse de, ony qazaq ūltynyŋ mentalitetınde tärbielemek. Al jıgıtterdıŋ balalary sol ūltqa sıŋıp ketetın körınedı.
Men şeteldıkterge küieuge şyqqan 20-ǧa juyq qyzdy bılemın. Bırı İtaliada, bırı Türkiiada tūryp jatsa da, bärı balasyn Qazaqstanǧa äkep tuyp jatyr. Balany ana tärbieleidı. Balasynyŋ boiyna qazaq mentalitetın sıŋıredı,
—deidı Serıkgül Säli.
Dese de, qoǧamda qazaq qyzdarynyŋ şeteldıkterge tūrmysqa şyǧuyna qarsylyq öte küştı. Mäselen, Talǧar maŋynda qazaq qyzyna üilenıp jatqan qytai jıgıtı toiyn toqtatuǧa mäjbür boldy. Afrikalyq jıgıtke tūrmysqa şyqqan qyzdyŋ ūzatuy jelılerde älı tolqu tudyryp otyr. Tıptı, qazaq qyzymen söilesıp tūrǧan şeteldıkterdı tyrqyratyp quyp jürgenın äleumettık jelıde tūraqty türde jariialap jürgen adamdar da bar.
Älemnıŋ damu ürdısınen köp adamnyŋ habary joq. Jaŋa ömır keŋıstıgı — internet paida bolǧan. Ǧalamtor barlyq şekaralardy öşırdı. Qazırgı balalardyŋ qūndylyǧy — aifon, Morgenştern. Mülde basqa ūrpaq ösıp keledı,
—deidı psiholog.
Onyŋ aituynşa, qazır ekı buyn arasyndaǧy küres jürıp keledı. Nätijesınde, bolaşaqta ūlttyq qūndylyqtar tolyq joiylmasa da, oǧan tübegeilı özgerıs enbek.
”Adyrna” ūlttyq portaly
