Túrkııada 65 jastaǵy jergilikti turǵyn Qyrǵyzstannyń 31 jastaǵy týmasyn qatygezdikpen óltirdi dep habarlaıdy "Adyrna" ulttyq portaly «AKIpress-ke» silteme jasap.
Qaıǵyly oqıǵa 12 qazan kúni keshke Tekırdag qalasynda boldy. Fehmı esimdi er adam balasyna turmysqa shyǵyp, eki balasyn tárbıelep ósirgen kelini Aıatpen urysyp qalady. Oqıǵa bolǵan kúni kúıeýi úıde bolmaǵan.
Fehmıdiń aıtýynsha, janjal onyń kelininiń balalarǵa (nemerelerine) durys qaramaǵandyǵynan paıda bolǵan. Er adam kelini Aıattyń balalardy uratynyn, ózine jáne áıeline qııanat jasaǵanyn aıtady. Fehmı kelininen balalardy urmaýdy ótinedi, biraq ol baǵynbaıdy. Nátıjesinde qyrǵyzdyń qyzyna atasy pyshaq suǵyp alady. Kelininiń denesin jasyrý úshin ol aramen áıeldiń denesin bólshektegen: ol bir bóligin qoqys jáshigine laqtyrsa, al ekinshisin kóliktiń júk salǵyshyna tyǵyp tastaǵan.
Er adam qylmystyń izin jasyrǵan kezde, áıeli úıge qaıtyp kelgen. Ol qandy kórip, Fehmıden ne bolǵanyn suraıdy. Kúıeýi qylmysyn moıyndaǵan, al áıeli polıııaǵa habarlasqan.
Qyrǵyz qyzy Aıat Hatýn ınstagram paraqshasyn belsendi túrde júrgizip kelgen. Ol óziniń paraqshasyna «Bala kútimindegi ananyń kúndeligi» dep jazyp, onda otbasy men Túrkııadaǵy ómiri týraly áńgimelegen.
Jas ana óziniń sońǵy jazbasyn 10 qazanda jarııalaǵan.
"Adyrna" ulttyq portaly.
