Bilim jáne ǵylym vıe-mınıstri: "El aımaqtarynda mektep qurylysy josparynyń oryndalmaý qaýpi bar"

2162
Adyrna.kz Telegram

QR Bilim jáne ǵylym vıe-mınıstri B.Asylova feısbýktegi paraqshasynda post jarııalap, elimizde bıýdjet qarajatyna mektep salý máselelerine toqtaldy. Onyń aıtýynsha, el óńirlerinde mektep qurylysy josparyn oryndaý boıynsha jaǵdaı máz emes dep habarlaıdy "Adyrna" ulttyq portaly.

"Al endi bıýdjet qarajaty esebinen mektep salý týraly! Ókinishke qaraı, jaǵdaı máz emes jáne alańdaýshylyq týdyryp otyr. Mektep qurylysynyń bekitilgen ádistemesi,  tetikteri bar, qarjylyq qamtamasyz etý bar, alaıda 1 qazandaǵy jaǵdaı boıynsha qarajatty ıgerý bar bolǵany 56,3 mlrd teńgeni nemese jospardaǵy 96,6 mlrd teńgeniń 58%-in qurady. Máselen, Soltústik Qazaqstan oblysy boıynsha ıgerý – 86%, Jambyl oblysy boıynsha – 78% jáne Almaty qalasy boıynsha – 75%.  Alaıda qarjyny ıgerýde respýblıkalyq ortasha kórsetkishten edáýir tómen kórsetkishter Aqtóbe oblysy boıynsha – 31%, Mańǵystaý oblysy boıynsha – 39%, al Atyraý oblysy boıynsha qarjy múldem ıgerilmegen», —  dep B. Asylova bıýdjet qarajaty esebinen mektep salý máselesine naqty sandarmen taldaý jasady.

Sonymen qatar, osy saladaǵy bitken isti de atap ótti.

"1 qazandaǵy jaǵdaı boıynsha memlekettik bıýdjet esebinen 20,6 myń oqýshy ornyna arnalǵan 52 mektep paıdalanýǵa berildi, 3 apatty mektep máselesi sheshildi, 12 mektepte úsh aýysymdy oqytý joıyldy, 25 mektepte oqýshy oryndarynyń tapshylyǵy joıyldy", — dedi vıe-mınıstr.

Budan basqa jyl sońyna deıin "jyr" bolatyn másele de bar ekenin jasyrmady.

"Bıylǵy jyldyń sońyna deıin 18 nysannyń, Aqmola oblysynda – 3, Almaty oblysynda – 5, Qyzylorda oblysynda – 1, Túrkistan oblysynda – 1 jáne Almaty qalasynda 8 nysan boıynsha ýaqytyly paıdalanýǵa bermeý qaýpi bar", - delingen postta.

 

 

"Adyrna" ulttyq portaly.

Pikirler