Jambyl oblysyndaǧy äskeri bölımdegı jarylystan mezı bolǧan Qainar auylynyŋ tūrǧyndary bilıkten basqa jerge köşırudı talap etıp otyr, dep habarlady “Adyrna” ūlttyq portaly KTK.telearnasyna sılteme jasap.
Olar 10 qazanda bolǧan jarylystan qatty şoşynyp qalǧan.
10 qazanda taŋǧy saǧat jetı şamasynda Baizaq audanyndaǧy äskeri bölımde taǧy da joiqyn jarylys boldy. "Gürs" etken dauysty estıgen tūrǧyndar ūiqydan tūra sala jan-jaqqa qaşa jönelgen. Keiın bärı basylǧan soŋ baspanalaryna qaita oraldy.
Al şūǧyl jinalǧan äskeriler men şeneunıkter jūrtty sabyrǧa şaqyryp älekke tüstı. Olardyŋ sözıne sensek, būrynǧy örtten zaqymdalǧan oq-därıler jarylǧan.
Būǧan deiın de alaŋdamauǧa şaqyrǧan bilık ökılderınıŋ sözıne tūrǧyndar endı kümänmen qaraidy.
"Jarylys taǧy qaitalanatyn bolsa, bızdı köşırsın basqa jaqqa. Aqyry özderı senımsız. Köşırsın, būl jerde tūrmaimyz. Qalatyndar qala bersın, ärkımnıŋ öz erkı", - deidı auyl tūrǧyny Janar Süiındıkova.
Resmi mälımetke süiensek, eşbır adam jaraqat almaǧan jäne eşqandai ǧiramatqa zaqym kelmegen. Bıraq tūrǧyndar keibır üidıŋ terezelerı synǧanyn körsettı.
Jergılıktı bilık jūrtqa qauıp bar ekenın tüsıngen tärızdı. Öitkenı Qainar auylynan tūrǧyndar tügel şyǧarylǧan. 37 adam tuystaryn panalauǧa mäjbür. Tıptı eldımekendegı qiraǧan baspanalardy qalpyna keltıru jūmystary da uaqytşa toqtady.
"Qarqyndy jūmys jürgızılıp jatyr. Josparly jarylystar boluy da mümkın. Soǧan bailanysty äzırge tūrǧyndardy ışke kırgızbeimız. Iаǧni bır mezette üiındılerdı jaru boiynşa şaralar qabyldanyp jatyr. Tau bolyp üiılgen zaqymdalǧan oq-därılerdı joiyp jıberu közdelgen. Alaida ol üşın qūrylǧan arnaiy komissiia şeşım şyǧaruǧa tiıs. Tek sodan keiın jūmys jüzege asyrylady", - deidı Baizaq audany äkımınıŋ orynbasary Qairat İsmaiyl.
Al äzırge auyl tūrǧyndary jaqyndarynyŋ üiınde jüre beredı. Qaşan öz üilerıne oralatyny belgısız.
Äskeri bölımnıŋ maŋyna qazır eşkımdı jolatpai jatyr. Qauıpsızdık şaralary küşeitılgen. Qainar auylyna kıre berıste bolok-beketter qoiylyp, poliseiler ertelı keş küzetıp tūr.
”Adyrna” ūlttyq portaly
