Táýelsizdiktiń 30 jyldyǵy qarsańynda Shymkent qalasynda bıyl kommýnaldyq turǵyn úı qoryndaǵy 10 kópqabatty turǵyn úıge aǵymdaǵy jóndeý jumystary júrgiziledi. Olardyń qatarynda Nursat shaǵyn aýdanynda ornalasqan №134A, 134B, 135A, 135B, 135V, 212, 216, 14 jáne Jeltoqsan kóshesindegi №19, 19A úıler bar. Jóndeý jumystary barysynda bul úılerdiń shatyry aýystyrylyp, qasbeti jańartylmaq.
Qazirgi tańda jóndeý jumystaryn júrgizý úshin bıýdjetten qarajat bólinip, memlekettik satyp alý konkýrstary jarııalandy. Merdiger mekeme anyqtalǵan jaǵdaıda jóndeý jumystary jyl sońyna deıin aıaqtalady dep josparlanýda.
Aıta ketý kerek, aǵymdaǵy jóndeý – ǵımarattar men ınjenerlik jabdyqtardyń bólikterin merziminen buryn tozýdan júıeli jáne ýaqtyly qorǵaýǵa baǵyttalǵan buzylýdyń aldyn alý jáne usaq zaqymdanýlar men aqaýlardy joıý jolymen jasalatyn tehnıkalyq is-sharalar kesheni.
