Qazaqstandyq boksshy Janqosh Turarov Vesti.kz tilshisine bergen suhbatynda sot oryndaýshymen bolǵan daý-damaı týraly mán-jaıdy aıtyp berdi, dep habarlaıdy «Adyrna» tilshisi.
«Keıbir BAQ pen áleýmettik jeliler jaǵdaıdy tolyq bilmeı, jalǵan aqparat taratatyny ókinishti. Kóptegen saıttan túrli taqyryptar oqydym, onda meni bir gangster retinde kórsetipti. Jasandy shý kótergen»,– dedi ol.
Boksshy oqıǵanyń mán-jaıyn túsindirdi.
«Men kelgenimde jaǵdaı túsiniksiz boldy. Bul ápkemniń úıi. Olar úıdi jaqynda satyp alǵan, burynǵy ıesi zańsyz qurylysy bar turǵyn úıdi satyp jibergen. Satý-alýdyń proesin onsha jaqsy bile bermeımin, muny quzyrly organdar anyqtasyn. Jaqynyń mundaı jaǵdaıǵa dýshar bolsa, kim kómekke kelmeıdi. Ol jerge kelgenimde aıǵaı-shý men jylaǵan daýystar boldy. Bárin toqtatýdy talap ettim, ary qaraıǵy janjalǵa aralaspadym. Kýágerlerdiń sózinen sot oryndaýshysy da óz mindetin kásibı atqarmaǵanyn jáne dóreki sóılegenin bildim.Men qarapaıym jigitpin, jigittik túsinikpen óstik bárimizde. Ony uryp-soǵamyn dep qorqytpadym. Erkekterdiń arasyndaǵy áńgime boldy, men oǵan óz oıymdy aıttym. Ol meni dıktafonǵa jazyp jatqanyn eskertken de joq. Bul qanshalyqty zańdy ekenin bilmeımin. Ol soqqy alyp qalǵan soń, kektenip qalǵan sııaqty. Ol da bireýdiń aǵasy, odan da bireý úlgi alady-aý. Endi haıp qýyp júr»,– dep málimdedi Janqosh.
«Adyrna» ulttyq portaly
