Memleket basshysy Dúnıejúzilik energetıka aptalyǵy men HIV KazEnergy Eýrazııalyq forýmy aıasynda ótken «Álemdik energetıkalyq trılemma 2021 – komponentter teńgerimi: energetıkalyq aımaqtar boıynsha ózgerister navıgaııasy» atty jahandyq plenarlyq májiliste beıneúndeý jasady, dep habarlaıdy «Adyrna» tilshisi Aqordaǵa silteme jasap.
Prezıdent Ortalyq Azııa aımaǵynda alǵash ret ótkizilip otyrǵan Dúnıejúzilik energetıka aptalyǵynyń uıymdastyrylýyn qoldady.
– Osy aptada 90 eldiń basshylary men bedeldi tulǵalary Qazaqstanda bas qosty. Glazgoda ótetin Klımattyń ózgerýi jónindegi SOR26 konferenııasynyń qarsańynda qol jetkizilgen nátıjeler men ortaq bolashaqqa qatysty kózqarastarymyzdy talqylaý úshin jınaldyq, – dedi Qasym-Jomart Toqaev.
Memleket basshysy osy baǵyttaǵy ulttyq basymdyqtar men mindettemeler týraly aıta kelip, Qazaqstan klımattyń ózgerýine qarsy kúres pen Parıj kelisiminiń maqsattary jolyndaǵy jahandyq kúsh-jigerdi tolyq qoldaıtynyn atap ótti.
Sonymen qatar Prezıdent álemniń jańa damý kezeńine qadam basqany týraly pikirin ortaǵa saldy. Onyń aıtýynsha, jańa tehnologııalar qazba otyn túrlerinen jańartylatyn qýat kózderine, sýtegi men ıadrolyq energııaǵa kóshýdi talap etedi.
– Men Úkimetke 2030 jylǵa qaraı elektr energııasyn óndirýde jańartylatyn jáne balamaly energııa kózderiniń úlesin 15 paıyzǵa jetkizýdi tapsyrdym. Qazirgi tańda 2000 MVt-qa jýyq jańartylatyn qýat kózderi paıdalanýǵa berildi. Qazaqstannyń kózdegen maqsatqa jetý jolyndaǵy baǵyty durys. Alaıda, kómirtegi beıtaraptyǵyna qol jetkizý úshin tek jańartylatyn energııaǵa ıek artý jetkiliksiz, – dedi Memleket basshysy.
Qasym-Jomart Toqaev óziniń ustanǵan saıasatyna sáıkes Úkimettiń energııa óndirý, energııany únemdi paıdalaný, ıfrlandyrý jáne turaqty ekonomıkalyq ósim sııaqty negizgi baǵyttardy ilgeriletýge yqpal etetin birqatar ulttyq jobalardy ázirlep jatqanyn atap ótti.
– Bul jobalar asa mańyzdy, óıtkeni olar mıllıardtaǵan adamnyń bıznes júrgizýiniń jáne kúndelikti ómiriniń «jańa normasyna» aınalady, – dedi Prezıdent.
Memleket basshysy sóziniń sońynda Forýmnyń pikirtalas platformasynyń biregeıligine toqtaldy. Osy rette atalǵan jıyn álemniń jahandyq maqsatqa – klımattyń ózgerýine tosqaýyl qoıýǵa qol jetkizýine septigin tıgizetin qazirgi úrdisterdi, boljamdar men josparlardy qarastyrý úshin jetekshi sarapshylarǵa jaqsy múmkindik beretinin jetkizdi.
«Adyrna» ulttyq portaly
