Yntymaǵy jarasqan otbasylardy marapattaý rásimi Memlekettik hatshy Qyrymbek Kósherbaevtyń qatysýymen onlaın formatta ótti, barlyq aımaqtar beınebaılanys arqyly saltanatty jıynǵa qosyldy.
Pandemııaǵa baılanysty, onlaın formatta ótken marapattaý rásiminde Prezıdent Qasym – Jomart Toqaevtyń quttyqtaýy oqyldy.
«Mereıli otbasy» ulttyq konkýrsy - halqymyzdyń birtutas ult retinde uıysýyna negiz bolyp otyrǵan, otbasy qundylyqtaryn dáripteıtin aıtýly báıge. Bıylǵy baıqaý qasterli Táýelsizdigimizdiń 30 jyldyǵyna oraı uıymdastyrylýda. Urpaq boıyndaǵy adamgershilik pen adaldyq, eńbekqorlyq pen meıirimdilik, ultjandylyq pen otanshyldyq sııaqty asyl qasıetterdiń barlyǵy eń aldymen otbasynda qalyptasady» delingen quttyqtaýda.
Basty jańalyq – bıyl jeńimpazdar birinshi ret 17 oblys boıynsha anyqtalyp otyr. Jáne 17 aımaq boıynsha úzdik shyqqan jeńimpazdarǵa Memleket basshysy atynan 5 mıllıon teńgeniń sertıfıkattary saltanatty jaǵdaıda tabys etildi.
Is-shara aıaqtalǵan soń aımaq basshysy Mahambet Dosmuhambetov respýblıkada top jarǵan mereıli shańyraq - Kenjeshovterdi quttyqtap, arnaıy syılyqtar tabys etti.
«Otbasy – shaǵyn memleket. Yntymaǵy men berekesi jarasqan ózderińizdeı otbasylar qoǵamǵa úlgi. Qoǵamdaǵy tynyshtyq pen yntymaqtyń tiregi» dedi Atyraý oblysynyń ákimi Mahambet Dosmuhambetov.
Respýblıkada top jarǵan atyraýlyq otbasynyń tiregi Qurmanbek Kenjeshov. Otanasy Gúlden Muhamedjanova. Otasqandaryna 46 jyl tolǵan mereıli shańyraq ıeleri temir jol salasynda 40 jyldan astam ýaqyt eńbek etken. Jeti balany ómirge ákelgen áke men ana 7 nemere, 9 jıen, 2 jıenshar súıip otyr.
Isataı aýdanynda turatyn qarapaıym eńbek adamdary osylaısha búginde mereıi tasyǵan alyp shańyraqqa aınalyp, dúıim elge úlgi bolýda.
Eske sala keteıik, «Mereıli otbasy» ulttyq konkýrsy Elbasy, Tuńǵysh Prezıdent Nursultan Nazarbaevtyń bastamasymen jyl saıyn ótip keledi. Kúni búginge deıin atalmysh baıqaýǵa elimiz boıynsha 15 myńnan astam otbasy qatysty. Otbasy, ulttyq qundylyqtardy, áke men ana, ata men áje, urpaq tárbıesi ınstıtýtyn dáripteýge arnalǵan konkýrs shyn máninde ulttyq sıpatqa ıe boldy.
Ulttyq baıqaý jyl saıyn «Otbasy kúni» merekesi qarsańynda qorytyndylanyp keledi.
